تٷركٸستاندا «ۇلاعاتتى ۇرپاق» جوباسىنىڭ العاشقى كەزدەسۋٸ ٶتتٸ
تٷركٸستانداعى وبلىستىق جاستار رەسۋرستىق ورتالىعىندا «ۇلاعاتتى ۇرپاق» جوباسى اياسىندا رەسپۋبليكالىق «ايقىن» گازەتٸنٸڭ باس رەداكتورى نۇرمۇحامەد بايعاراەۆپەن كەزدەسۋ ٶتتٸ. تٷركٸستان وبلىستىق قوعامدىق دامۋ باسقارماسى ۇيىمداستىرعان كەزدەسۋدە ق.ا.ياساۋي اتىنداعى حقتۋ-دىڭ جۋرناليستيكا بٶلٸمٸنٸڭ ستۋدەنتتەرٸ مەن تٷركٸستاندىق جاستار سپيكەرگە سۇراقتارىن قويىپ, پٸكٸر الماستى.
ەل پرەزيدەنتٸ قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن ٶركەندەۋٸنٸڭ نەگٸزٸ» اتتى قازاقستان حالقىنا ارنالعان جولداۋىندا جاستاردى وتانشىلدىققا تەربيەلەۋ, ساياسي سانانى جاڭعىرتۋ, قوعامدىق ديالوگ ورناتۋ مەسەلەلەرٸ قوزعالدى. وسىعان وراي وبلىس ەكٸمٸ ٶمٸرزاق شٶكەەۆ ٶڭٸردە ديالوگتىق الاڭدار اشۋ جٶنٸندە تاپسىرما بەرگەن بولاتىن. جاڭا جوبا وسى تاپسىرمانى ورىنداۋ باعىتىندا قولعا الىنىپ وتىر.
كەزدەسۋدە نۇرمۇحامەد بايعاراەۆ تٷركٸستان قالاسىنداعى قارقىندى قۇرىلىس پەن ماڭىزدى ٶزگەرٸستەر تۇرعىنداردىڭ ساناسىنا وڭ ەسەر ەتەتٸنٸن ايتتى.
«كەزٸندە ەلوردامىزدا قۇرىلىس قارقىندى جٷرگەنٸن بٸلەمٸز. بٷگٸن تٷركٸستانداعى جۇمىستاردى كٶرٸپ, ەلوردانىڭ سول بٸر كەزەڭٸمەن ۇقساستىقتى اڭعارعانداي بولدىم. ەرينە, تٷركٸستاننىڭ تاريحي ماڭىزى ەرەكشە. دەگەنمەن, بٸرنەشە جىل بۇرىن ورتالىقتان الىس, ايماقتىق قالالاردىڭ بٸرٸ ەدٸ. ال قازٸر وبلىس ورتالىعى رەتٸندە دامي باستادى. رەسپۋبليكانىڭ نازارى سٸزدەرگە اۋىپ تۇر. ەندٸ وسى شاھارداعى تۇرعىنداردىڭ مەنتاليتەتٸ, ويلاۋ جٷيەسٸ ٶزگەرەدٸ. ول بٸردەن بايقالماۋى مٷمكٸن, بٸراق, ەل ٶزگەرٸستٸ سەزٸنەدٸ. بۇل رەتتە ٶزدەرٸڭٸزدەي جاستارعا سەنٸم ارتىلادى. سٸزدەر ۋنيۆەرسيتەتتەگٸ بٸلٸممەن شەكتەلٸپ قالماي, قوسىمشا ٸزدەنٸپ, بٸلٸمدٸ تەرەڭدەتۋ ارقىلى عانا بيٸك شىڭدى باعىندىرا الاسىزدار», – دەگەن ول جاڭا مەديانىڭ دامۋى, گازەتتٸ وقىلىمدى ەتۋ, شەتەل مەن قازاقستانداعى باق سالاسىنداعى ٷردٸستەر تۋرالى وي قوزعادى. قوعامعا ەكونوميكا, قارجى سالاسى, زاڭ جەنە ساياسات تاقىرىپتارىندا ساراپتامالىق ماقالالار قاجەت ەكەنٸن ايتتى. ەركٸن سۇحبات ەرٸ پٸكٸر الماسۋ فورماتىندا ٶتكەن كەزدەسۋدە تٷركٸستاندىق جۋرناليستەر مەن جالىندى جاستار بەلسەندٸلٸك تانىتا بٸلدٸ.
الداعى ۋاقىتتا «ۇلاعاتتى ۇرپاق» جوباسى اياسىنداعى كەزدەسۋلەر وبلىستىڭ اۋدان, قالالارىنداعى بٸلٸم ۇيالارىندا تۇراقتى تٷردە ٶتٸپ تۇرادى. جوباعا قوعام قايراتكەرلەرٸ, دەپۋتاتتار, زييالى قاۋىم ٶكٸلدەرٸ, ٶنەر جەنە سپورت ساڭلاقتارى, ٶنەرتاپقىشتار مەن كەسٸپكەرلەر, اقىن-جازۋشىلار, تاريحشىلار مەن مەدەنيەتتانۋشىلار, اتقارۋشى بيلٸك پەن قۇقىق قورعاۋ سالاسىنىڭ ٶكٸلدەرٸ جوعارى سىنىپ وقۋشىلارىمەن جەنە ستۋدەنتتەرمەن كەزدەسۋ ٶتكٸزەدٸ. ولار ٶز سالاسىنداعى تەجٸريبەلەرٸمەن بٶلٸسٸپ, جاستاردىڭ تالاپ-تٸلەكتەرٸن تىڭدايدى دەپ جوسپارلانعان.
تٷركٸستان وبلىسى ەكٸمٸنٸڭ باسپاسٶز قىزمەتٸ
