بۇگىن تۇركىستان وبلىسىنىڭ اكىمى جانسەيىت تۇيمەبايەۆ "پروكۋراتۋرا كۇنى" مەرەكەسىنە وراي، اتالعان سالادا قىزمەت ەتىپ جۇرگەن بارشا زاڭ قىزمەتكەرلەرىن كاسىبي مەرەكەمەن قۇتتىقتاعان سالتاناتتى شاراعا قاتىستى.

– قۇرمەتتى پروكۋراتۋرا ورگاندارىنىڭ ارداگەرلەرى مەن قىزمەتكەرلەرى! سىزدەردى ق ر پروكۋراتۋراسى كۇنىمەن شىن جۇرەكتەن قۇتتىقتايمىن. تاۋەلسىزدىكپەن قاتار جاساپ كەلە جاتقان بۇل ماڭىزدى ورگان - قۇقىق قورعاۋ جۇيەسىنىڭ ورتالىق ينستيتۋتتارىنىڭ بىرىنە اينالدى. پروكۋراتۋرا ورگاندارى بۇگىنگى تاڭدا قۇقىقتىق ساياساتتى، ادامداردىڭ كونستيتۋيسيالىق قۇقىعىن قورعاۋ، زاڭدىلىق پەن قۇقىقتىق ءتارتىپ سالاسىندا ءوز مىندەتتەرىن ويداعىداي اتقارۋدا، – دەدى ءوڭىر باسشىسى.

مۇنان سوڭ، اتالعان سالا ماماندارىن بۇگىنگى كاسىبي مەرەكەمەن وبلىستىق ءماسليحات حاتشىسى ق.بالابييەۆ، وبلىستىق ارداگەرلەر كەڭەسىنىڭ ءتوراعاسى ج.ماۋلەنقۇلوۆتار قۇتتىقتادى. سالتاناتتى باسقوسۋدا 16 پروكۋراتۋرا سالاسىنىڭ قىزمەتكەرى ماراپاتتالىپ، جاس پروكۋرورلار انت قابىلدادى.

جالپى، 2018 جىلدىڭ 11 ايىندا وبلىستىق پروكۋراتۋرامەن 13 مىڭعا جۋىق ازاماتتىڭ كونستيتۋسيالىق قۇقىعى قورعالسا، ونىڭ 2300ء-ى جاسوسپىرىمدەر قۇقىعىنا بايلانىستى بولعان. ال وبلىس اكىمدىگىمەن بىرلەسكەن "ءقاۋىپسىز ورتا قالىپتاستىرۋ" ءىس-شاراسى اياسىندا پروكۋراتۋرا قىزمەتكەرلەرى باسقارعان توپتار 102 ەلدى مەكەندە 70 مىڭعا جۋىق اداممەن كەزدەسىپ، 3 مىڭنان استام قۇقىقتىق كومەكتەر كورسەتىپتى.

 

تۇركىستان وبلىسى اكىمىنىڭ باسپا ءسوز قىزمەتى