قويىلىمنىڭ اشىلۋ سالتاناتىندا وبلىس ەكٸمٸ جانسەيٸت تٷيمەباەۆ قۇتتىقتاۋ سٶزٸن ارناپ, تەاتر ۇجىمىنا شىعارماشىلىق تابىستار تٸلەدٸ.
– پرەمەرانى تاماشالاۋعا قالا تۇرعىندارىنىڭ ەسٸرەسە جاستاردىڭ كٶپتەپ كەلۋٸ كٶڭٸلگە قۋانىش سىيلايدى. بۇل حالقىمىزدىڭ تىڭ دٷنيەگە قىزىعۋشىلىق تانىتىپ مەدەنيەتٸمٸزدٸڭ ٶركەندەگەنٸنٸڭ دەلەلٸ ٸسپەتتٸ. استانا قالاسىندا قويىلعان ميۋزيكل جاڭا وبلىس ورتالىعىندا تۇڭعىش رەت ساحنالانۋدا. ەكٸ كٶرٸنٸستەن تۇراتىن تۋىندى تەاتر رەپەرتۋارىنداعى ٷزدٸك قويىلىمداردىڭ بٸرٸنە اينالارىنا سەنٸمٸم كەمٸل. رۋحاني قۇندىلىعى مول مۇنداي دٷنيەلەردٸڭ جاندانۋىنا قولداۋ بٸلدٸرٸپ, ناسيحاتتالۋىن قولعا الۋىمىز قاجەت. سوندىقتان دا تٸل مەن ۇلتقا بٶلٸنبەيتٸن كيەلٸ ٶنەر ۇلاندارىنىڭ ٶنەرٸن شەتەلگە تانىتۋدى دا باستى نازارعا الىپ, ەلٸمٸزدٸڭ مەرەيٸن وسى ارقىلى اسقاقتاتۋعا قادام جاساۋعا بولادى. ۇلتتىق ٶنەردٸ دامىتۋعا ٷلەس قوسىپ حالىقتىڭ العىسىنا بٶلەنۋ جولىنداعى ەڭبەكتەرٸڭٸز ەسەلەنە بەرسٸن, – دەدٸ ايماق باسشىسى جانسەيٸت قانسەيٸتۇلى.
باستى كەيٸپكەرلەردٸ سومداعاندار ەيگەرٸم جۇمابەك, مەدٸحان دٷيسەەۆ, ايبەك قاناتبەك, كٷنايىم يسمايلوۆا, ايدار بايىمبەتوۆ, مارجان شەرٸپحان, باقىتجان تۇرسىمانوۆ سىندى تەاتردىڭ جاس ەرٸ تەجٸريبەلٸ ەرتٸستەرٸ. تالانتىمەن تالايدى تەنتٸ ەتكەن ٶنەرپازداردىڭ ٶنەرٸنە ٶڭٸر باسشىسى ٶز ريزاشىلىعىن بٸلدٸردٸ.
جالپى ماحاببات ليريكاسى بەينەلەنگەن تۋىندىنى ساحنالاۋعا تەاتردىڭ 60-تان استام ەرتٸسٸ كٷش سالدى. ادالدىق پەن باتىلدىق, قىزعانىش پەن كٷرەس كٶرٸنٸستەرٸ سۋرەتتەلگەن قويىلىم كٶرەرمەندەر كٶڭٸلٸنەن شىعىپ, زور قوشەمەتكە يە بولدى.
تٷركٸستان وبلىسى ەكٸمٸنٸڭ باسپاسٶز قىزمەتٸ
