تٷركٸستان قالاسىندا كٷي ٶنەرٸن دەرٸپتەيتٸن رەسپۋبليكالىق «كٷي قۇدٸرەتٸ» كٷيشٸلەر بايقاۋى ٶز مەرەسٸنە جەتتٸ. «فاراب» ەمبەباپ عىلىمي كٸتاپحاناسىنىڭ كونتسەرتتٸك زالىندا ٶتكەن سايىسقا ەلٸمٸزدٸڭ ەر ٶڭٸرٸنەن كەلگەن 23 قاتىسۋشى ەكٸ كەزەڭ بويىنشا باق سىنادى, - دەپ حابارلايدى Dalanews.kz
بايقاۋدىڭ العاشقى كەزەڭٸندە سٷگٸر ەلٸۇلى مەن تٶلەگەن مومبەكوۆتٸڭ تاڭداۋلى شىعارمالارىنان كلاسسيكالىق كٷي ورىندالدى. سودان سوڭ ەكٸنشٸ كەزەڭدە وركەستر سٷيەمەلدەۋٸمەن جەكە ٶنەر كٶرسەتتٸ. بۇل كٷيشٸلەردٸڭ ورىنداۋشىلىق شەبەرلٸگٸمەن قاتار, ساحنا مەدەنيەتٸ مەن كٷيدٸ تەرەڭ سەزٸنۋ قابٸلەتٸن باعالاۋعا باعىتتالعان.
ٶنەر سايىسىندا قازاقستاننىڭ ەڭبەك سٸڭٸرگەن قايراتكەرٸ, قازاق ۇلتتىق ٶنەر ۋنيۆەرسيتەتٸنٸڭ پروفەسسورى جٷزباي جانعالي, ت.جٷرگەنوۆ اتىنداعى ٶنەر اكادەميياسىنىڭ دوتسەنتٸ, قر مەدەنيەت قايراتكەرٸ كٷيشٸ-زەرتتەۋشٸ ەبۋعازى مۇرات, قر مەدەنيەت كايراتكەرٸ شىمكەنت ساز كوللەدجٸنٸڭ ۇستازى مارات اناشەۆ , قر مەدەنيەت سالاسىنىڭ ٷزدٸگٸ, «سٷگٸر» اتىنداعى ۇلت-اسپاپتار وركەسترٸنٸڭ ديريجەرى شىڭعىس يساەۆ, قۇرمانعازى اتىنداعى قازاق ۇلتتىق كونسەرۆاتوريياسىنىڭ اعا ۇستازى, قر مەدەنيەت سالاسىنىڭ ٷزدٸگٸ سالتانات قۇدايبەرگەنوۆا قازىلىق ەتتٸ.
قازىلار القاسىنىڭ شەشٸمٸمەن باس جٷلدە الماتى وبلىسىنان كەلگەن مەيٸربەك ەزٸمباەۆقا بۇيىردى. ال, ٸ ورىندى ورالدىق نازىمبەك ساتپانوۆ يەمدەنسە, ٸٸ ورىندى استانالىق اياۋلىم اسقارباەۆا مەن شىمكەنتتەن كەلگەن نۇرلىبەك تۇرلىباي قانجىعاسىنا بايلادى. ال, ٸٸٸ ورىنعا قاراعاندىلىق سەيٸلحان سايلاۋوۆ, الماتىلىق مەدەت جٷنٸسبەك پەن تٷركٸستاندىق عالىمجان جاقسىلىق جايعاستى.
سونداي-اق, ٷش قاتىسۋشى بايقاۋ ديپلومانتى اتاندى. بۇدان بٶلەك, تٶلەگەن مومبەكوۆ, نۇرعيسا تٸلەنديەۆ جەنە سٷگٸر ەليۇلى اتىنداعى ارنايى جٷلدەلەر تابىستالدى.
ايتا كەتەيٸك, بايقاۋدى تٷركٸستان وبلىسى ەكٸمدٸگٸنٸڭ قولداۋىمەن وبلىستىق مەدەنيەت باسقارماسى, وبلىستىق مەدەنيەت جەنە حالىق شىعارماشىلىعى ورتالىعى ۇيىمداستىرعان. دەستٷرلٸ تٷردە جىل سايىن ٶتكٸزٸلٸپ كەلە جاتقان بايقاۋدىڭ ماقساتى – مەدەني مۇرا مەن ۇلتتىق بولمىستى ناسيحاتتاۋ, ۇلى دالانىڭ تٶل ٶنەرٸ سانالاتىن كٷيدٸ ۇلىقتاۋ, وڭتٷستٸك ايماعىنىڭ كٷي ٶنەرٸن دەرٸپتەۋ. سونداي-اق, دارىندى ورىنداۋشىلارعا جول اشىپ, جاس بۋىندى دەستٷرلٸ ٶنەرگە باۋلۋ, ولاردىڭ شىعارماشىلىق ەلەۋەتٸن ارتتىرۋ.
