بۇگىن تۇركىستان وبلىسىنىڭ ورتالىعى –تۇركىستان قالاسىندا كونستيتۋسيا كۇنىنە وراي «ايبارى مىقتى – اتا زاڭ» مەرەكەلىك شاراسى ءوتتى. سالتاناتتى شارادا تۇركىستان وبلىسىنىڭ اكىمى جانسەيىت تۇيمەبايەۆ كوپشىلىكتى مەرەكەمەن قۇتتىقتادى.

– اتا زاڭ كۇنى – حالقىمىز ءۇشىن ەڭ قاستەرلى، ەڭ ۇلىق مەرەكە. مەملەكەتىمىزدىڭ قۇقىقتىق نەگىزىن ايقىنداعان كونستيتۋسيامىزدىڭ قابىلدانعانىنا بيىل 23 جىل تولىپ وتىر. كونستيتۋسيا – مىزعىماس مەملەكەتىمىزدىڭ التىن قازىعى. بىرلىگى مەن ىنتىماعى جاراسقان ەلدىگىمىزدىڭ بۇلجىماس باعدارى، كەمەل كەلەشەگىمىزدىڭ كەپىلى!  بۇگىنگى جيىنىمىزدىڭ ءمانى تەرەڭ ەكەندىگىن اتاپ ايتۋعا ءتيىسپىز. ويتكەنى ەلباسىمىزدىڭ باستاماسىمەن وڭىرىمىزدە تاريحي تىڭ بەتبۇرىس جاسالىپ، مەملەكەتتىڭ تاعدىرىندا ماڭىزدى ورتالىققا اينالعان تۇركىستاندا ءوتىپ وتىر. ەكى عاسىردان استام ۋاقىت ۇلى دالا ءداستۇرىن دارىپتەپ، «جەتى جارعىسى» جازىلعان قاسيەتتى تۇركىستاننىڭ ورنى قازاق ەلى ءۇشىن ەرەكشە. ەندەشە، تامىرى «جەتى جارعىدان» تارتىلعان اتا زاڭىمىزدىڭ ايبىنى اسقاقتاي بەرسىن! – دەدى ءوڭىر باسشىسى ەڭبەگىمەن ۇزدىك اتانعان ءبىر توپ ازاماتقا گراموتا مەن العىس حات تاپسىردى.

مەرەكەلىك ءىس-شاراعا وبلىس اكىمىنىڭ ورىنباسارلارى، ءماسليحات دەپۋتاتتارى، وبلىستىق باسقارما باسشىلارى، قۇقىق قورعاۋ ورگاندارىنىڭ باسشىلارى، ارداگەرلەر القاسى مەن زيالى قاۋىم وكىلدەرى، ۇەۇ مۇشەلەرى،  ستۋدەنت جاستار، ب ا ق وكىلدەرىنەن قۇرالعان 600-گە جۋىق ازامات قاتىستى. سالتاناتتى شارادا وبلىسىمىزدىڭ ونەر ۇجىمدارى مەن انشىلەرى كونسەرتتىك باعدارلاما ۇسىنىپ، پاتريوتتىق اندەردى شىرقادى.



تۇركىستان وبلىسى اكىمىنىڭ باسپا ءسوز قىزمەتى