Túrkistanda Konstitýtsiia kúni atap ótildi
Búgin Túrkistan oblysynyń ortalyǵy –Túrkistan qalasynda Konstitýtsiia kúnine orai «Aibary myqty – Ata Zań» merekelik sharasy ótti. Saltanatty sharada Túrkistan oblysynyń ákimi Janseiit Túimebaev kópshilikti merekemen quttyqtady.
– Ata Zań kúni – halqymyz úshin eń qasterli, eń ulyq mereke. Memleketimizdiń quqyqtyq negizin aiqyndaǵan Konstitýtsiiamyzdyń qabyldanǵanyna biyl 23 jyl tolyp otyr. Konstitýtsiia – myzǵymas memleketimizdiń altyn qazyǵy. Birligi men yntymaǵy jarasqan eldigimizdiń buljymas baǵdary, kemel keleshegimizdiń kepili! Búgingi jiynymyzdyń máni tereń ekendigin atap aitýǵa tiispiz. Óitkeni Elbasymyzdyń bastamasymen óńirimizde tarihi tyń betburys jasalyp, memlekettiń taǵdyrynda mańyzdy ortalyqqa ainalǵan Túrkistanda ótip otyr. Eki ǵasyrdan astam ýaqyt Uly dala dástúrin dáriptep, «Jeti jarǵysy» jazylǵan qasietti Túrkistannyń orny Qazaq eli úshin erekshe. Endeshe, tamyry «Jeti jarǵydan» tartylǵan Ata zańymyzdyń aibyny asqaqtai bersin! – dedi óńir basshysy eńbegimen úzdik atanǵan bir top azamatqa Gramota men Alǵys hat tapsyrdy.
Merekelik is-sharaǵa oblys ákiminiń orynbasarlary, máslihat depýtattary, oblystyq basqarma basshylary, quqyq qorǵaý organdarynyń basshylary, ardagerler alqasy men ziialy qaýym ókilderi, ÚEU músheleri, stýdent jastar, BAQ ókilderinen quralǵan 600-ge jýyq azamat qatysty. Saltanatty sharada oblysymyzdyń óner ujymdary men ánshileri kontserttik baǵdarlama usynyp, patriottyq ánderdi shyrqady.
Túrkistan oblysy ákiminiń baspasóz qyzmeti
