ايتا كەتەلىك قازىرگى ۋاقىتتا كاسىپكەرلىكتىڭ دامۋىنا مەملەكەت تاراپىنان كەڭ قولداۋ جۇرگىزىلۋدە. ءبىزدىڭ ەلدىڭ ەكونوميكاسىنىڭ ەرتەڭگى تىرەگى كاسىپكەرلىك ەكەنىن مەملەكەتتىك قىزمەتكەرلەر جەتە تۇسىنۋدە.
كاسىپكەرلىك نىساندارىنا قاداعالاۋ جۇرگىزەتىن مەملەكەتتىك ورگانداردىڭ قىزمەتى قازاقستان رەسپۋبليكاسىنىڭ زاڭدارىندا بەلگىلەنگەن شەكتە جاريالى جانە اشىق بولۋعا ءتيىس ەكەندىگى ق ر كاسىپكەرلىك كودەكسىندە كورسەتىلگەن.
دەنساۋلىق ساقتاۋ مينيسترلىگىنىڭ قوعامدىق دەنساۋلىق ساقتاۋ كوميتەتى تاراپىنان دا جەكە كاسىپكەرلىك نىساندارىن قولداۋدا كوپتەگەن نورماتيۆتىك-زاڭدىلىق قۇجاتتارىنا وزگەرىستەر ەنگىزىلىپ، كاسىپكەرلىك نىساندارىنا قولداۋلار كورسەتىلۋدە.
اتاپ ايتقاندا، تەكسەرۋ پاراقتارى نىساندار توبىنا سايكەس وڭتايلاندىرىلىپ، بىرنەشە ەسە قىسقارتىلدى، رۇقساتناما قۇجاتتارىن الۋ تەك ەپيدەميولوگيالىق ماڭىزدى نىساندار توبىنا عانا قاتىستى بولىپ قالدى.
نۇربەك نىشانوۆ، وبلىستىق قوعامدىق دەنساۋلىق ساقتاۋ دەپارتامەنتىنىڭ باسىشىسى:
«ەرەكشە تارتىپپەن تەكسەرىلەتىن نىساندار توبى دا جىلدان جىلعا قىسقارتىلۋدا، 2015 جىلى جەكە كاسپكەرلىك نىساندارىن تەكسەرۋگە موراتوريي جاريالانسا، 2016 جىلى ءبىزدىڭ قىزمەت تاراپىنان 2062 كاسىپكەرلىك نىساندارى، 2017 جىلى 1982 نىساندار تەكسەرۋمەن قامتىلسا، 2018 جىلدىڭ 9 ايىندا 944 كاسىپكەرلىك نىساندارى تەكسەرىلگەن. ال جوسپاردان تىس تەكسەرۋلەر 2016 جىلى 894، 2017 جىلى 516 قۇراسا، اعىمداعى جىلدىڭ 9 ايىندا 657ء-نى قۇراعان».
