شارا ءوڭىر جۋرناليستەرىنىڭ بىلىكتىلىگىن كوتەرىپ، مەملەكەتتىك مەكەمە قىزمەتكەرلەرىنىڭ حالىقپەن جانە ب ا ق وكىلدەرىمەن كەرى بايلانىسىن نىعايتۋدى ماقسات ەتتى.
تابيعات اياسىندا وتكەن تيمبيلدينگكە وبلىستىڭ اۋدان، قالالارىنىڭ ىشكى ساياسات ءبولىمى، جاستار رەسۋرستىق ورتالىعىنىڭ ديرەكتورلارى، ۇكىمەتتىك ەمەس ۇيىم مۇشەلەرى، بەلسەندى جاستار جانە ب ا ق وكىلدەرى قاتىستى.
ەركىن فورماتتاعى شاراعا كاسىبي ماماندار، تانىمال سپيكەرلەر - گارۆارد ۋنيۆەرسيتەتىنىڭ تۇلەگى، «مازمۇنداما» قورىنىڭ ءتوراعاسى شىڭعىس مۇقان، Atameken TV ينتەرنەت-ماركەتينگ ءبولىمىنىڭ باسشىسى جاناسىل بولاتبەك، ازاماتتىق باستامالاردى قولداۋ ورتالىعى» باسقارما ءتوراعاسىنىڭ ورىنباسارى جانار تولەگەنوۆا ، ق ر پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەسى، "Qazaqstan Team" رەسپۋبليكالىق جاستار قوعامدىق بىرلەستىگىنىڭ ءتوراعاسى، تەلەجۋرناليست اسحات سادىرباي ءدارىس وقىپ، قاتىسۋشىلارمەن قىزۋ پىكىر-تالاس ۇيىمداستىردى.
قاتىسۋشىلارعا مول ماعلۇمات بەرگەن تيمبيلدينگتە "كوممۋنيكاسيالىق مەنەدجمەنت: SMM جانە مەملەكەتتىك ورگاندار"، "رەزونانستى جاعدايداعى "التىن ساعات" ەرەجەسى"، "ادامداردىڭ جادىندا جاتتالىپ قالارداي جاڭالىق جاساۋ"، "SMM جانە قىزىقتى كونتەنت قالىپتاستىرۋ"، "ەرىكتىلەر جىلىندا جاستاردىڭ ءرولى"، "جەرگىلىكتى جەرلەردە مەملەكەتتىك گرانتتىق قارجىلاندىرۋدى ەنگىزۋ" تاقىرىپتارى قوزعالدى.
تۇركىستان وبلىسى وڭىرلىك كوممۋنيكاسيا قىزمەتى
