قر مەملەكەتتٸك قىزمەت ٸستەرٸ اگەنتتٸگٸ تٷركٸستان وبلىسىنىڭ مەملەكەتتٸك سەۋلەت-قۇرىلىس باقىلاۋ باسقارماسىنىڭ باسشىسى سۇلتانعالي جالىقۇلدى تٶبەلەسكە قاتىسقانى ٷشٸن قىزمەتٸنەن بوساتۋدى ۇسىندى, دەپ حابارلايدى Dalanews.kz
ەسكە سالايىق, قاراشا ايىندا ەلەۋمەتتٸك جەلٸدە جانجال كەزٸندە تٷسٸرٸلگەن ۆيدەو تاراعان بولاتىن. جۋرناليست ميحايل كوزاچكوۆتىڭ ايتۋىنشا, ۆيدەوداعى ادامداردىڭ بٸرٸ – شەنەۋنٸك سۇلتانعالي جالىقۇل. ول قارسىلاسىنا سوققى بەرٸپ, جاق سٷيەگٸن سىندىردى دەگەن بولجام ايتىلعان.
مەملەكەتتٸك قىزمەت ٸستەرٸ اگەنتتٸگٸ سۇلتانعالي جالىقۇلدىڭ جانجالعا قاتىسقانىن راستادى. اگەنتتٸكتٸڭ تٷركٸستان وبلىسى بويىنشا دەپارتامەنتٸ مەملەكەتتٸك قىزمەتشٸنٸڭ تٶبەلەسكە قاتىسۋ فاكتٸسٸ بويىنشا قىزمەتتٸك تەكسەرٸس جٷرگٸزگەن. 5 جەلتوقساندا ەتيكا كەڭەسٸ تيٸستٸ شەشٸم قابىلدادى.
"كەڭەس شەشٸمٸمەن تٷركٸستان وبلىسىنىڭ مەملەكەتتٸك سەۋلەت-قۇرىلىس باقىلاۋ باسقارماسىنىڭ باسشىسى س.جالىقۇلعا قاتىستى قىزمەتتٸك ەدەپ نورمالارىن بۇزعانى ٷشٸن «اتقارىپ وتىرعان لاۋازىمىنان بوساتۋ» تٷرٸندەگٸ تەرتٸپتٸك جازا قولدانۋ ۇسىنىلدى. ەدەپ جٶنٸندەگٸ كەڭەس س.جالىقۇل تاراپىنان ورىن العان تۇرپايى, قوعامعا جات مٸنەز-قۇلىقتى, سونداي-اق مەملەكەتتٸك ورگاننىڭ بەدەلٸن تٷسٸرەتٸن ەرەكەت جاساۋ ارقىلى جالپىعا ورتاق مورالدىق-ەتيكالىق نورمالاردى بۇزۋ فاكتٸسٸن انىقتادى", - دەلٸنگەن حابارلامادا.
