تۇركىستان قالاسىندا زامان تالابىنا ساي جاڭا «A.B.L.» فيتنەس ورتالىعى اشىلدى. قۋانىشتى ساتكە وبلىس اكىمى نۇرالحان كوشەروۆ قاتىسىپ، جۇرتشىلىقتى قۇتتىقتادى،- دەپ حابارلايدى Dalanews.kz

– تۇركىستان – تەك رۋحاني استانا عانا ەمەس، سونىمەن قاتار سپورت ورتالىعىنا اينالىپ كەلە جاتقان ءوڭىر. مەملەكەت باسشىسى قاسىم-جومارت توقايەۆتىڭ بۇقارالىق سپورتتى دامىتۋ جونىندەگى تاپسىرماسىنا سايكەس، وڭىرىمىزدە سپورت ينفراقۇرىلىمىنىڭ حالىققا قولجەتىمدىلىگىن ارتتىرۋ باعىتىندا ناقتى جۇمىستار اتقارىلۋدا. ماسەلەن، بىلتىر جالپى قۇنى 73 سپورت نىسانىنىڭ قۇرىلىسى اياقتالسا، ال بيىل 54 سپورت نىسانىن پايدالانۋعا بەرۋ جوسپارلانىپ وتىر. ولاردىڭ قاتارىندا ەلىمىزدە تەڭدەسى جوق ەكى ءىرى جوبا – يپپودروم مەن ەسكەك ەسۋ كانالى بار. بۇل – سپورتتى دامىتۋعا جانە ۇلت دەنساۋلىعىن نىعايتۋعا باعىتتالعان مەملەكەتىمىزدىڭ بەرىك ۇستانىمىنىڭ ايقىن كورىنىسى.

ءبىز تەك سپورتتىق نىسانداردى سالىپ قانا قويماي، ولاردىڭ ءتيىمدى جۇمىس ىستەۋىنە جانە تۇرعىندار ءۇشىن قولجەتىمدى بولۋىنا ەرەكشە ءمان بەرىپ كەلەمىز. بۇل كەشەن – تۇركىستان قالاسى تۇرعىندارىنىڭ دەنساۋلىعىن نىعايتىپ، جاستاردىڭ سپورتقا دەگەن قىزىعۋشىلىعىن ارتتىراتىن ماڭىزدى ورىنعا اينالاتىنىنا سەنىمدىمىن، – دەگەن وبلىس اكىمى قالا تۇرعىندارىن سالاۋاتتى ءومىر سالتىن ۇستانۋعا، سپورتپەن جۇيەلى تۇردە اينالىسۋعا شاقىردى.

زاماناۋي تالاپتارعا ساي سالىنعان فيتنەس ورتالىعىندا سپورتپەن شۇعىلدانۋعا، سالاماتتى ءومىر سالتىن ۇستانۋعا بارلىق جاعداي جاسالعان. جاتتىعۋ زالدارى، ۆولەيبول جانە جەكپە-جەك زالى بار. سونىمەن بىرگە باسسەين جانە وزگە دە دەنە شىنىقتىرۋعا قاجەتتى قۇرىلعىلارمەن، بولمەلەرمەن قامتىلعان.