تۇركىستاندا ەكى بالانىڭ دەنەسى جالدامالى پاتەردەن تابىلدى. پوليسەيلەر ولاردىڭ اناسىن، قىزىلوردا وبلىسىنىڭ تۇرعىنىن ىزدەستىرىپ جاتىر، دەپ حابارلايدى Dalanews.kz.
تۇركىستان وبلىسى پوليسيا دەپارتامەنتى مالىمەتىنشە، 7 اقپاندا جالدامالى پاتەرلەردىڭ بىرىنەن ەكى بالانىڭ دەنەسى تابىلعان. بۇل فاكتى بويىنشا قىلمىستىق ءىس قوزعالدى.
"ءولىم سەبەبىن انىقتاۋ ءۇشىن بالالاردىڭ دەنەلەرى ساراپتاماعا جىبەرىلدى. قازىرگى ۋاقىتتا وقيعانىڭ بارلىق ءمان-جايىن انىقتاۋ جانە بالالاردىڭ كوز جۇمعانى جانە ولاردىڭ مەكەنجايى تۋرالى دوسىنا حابارلاعان قىزىلوردا وبلىسىنىڭ تۇرعىنى، بالالاردىڭ اناسىنىڭ تۇرعان جەرىن انىقتاۋ ماقساتىندا قاجەتتى جەدەل-ىزدەستىرۋ شارالارى جۇرگىزىلۋدە. ءىستىڭ تەرگەۋ بارىسى مەنىڭ جەكە باقىلاۋىمدا"، - دەدى تۇركىستان وبلىستىق پد باستعى مۇرات قابدەنوۆ Facebook-تەگى پاراقشاسىندا.
ال، وبلىستىق پوليسيا دەپارتامەنتى تۇرعىنداردان جالعان اقپارات تاراتپاۋدى سۇرادى.
"ءبىز جالعان اقپارات تاراتقانى ءۇشىن جاۋاپكەرشىلىك بار ەكەنىن ەسكەرتەمىز جانە ازاماتتاردى رەسمي دەرەككوزدەردەن الىنعان اقپاراتقا سەنۋگە شاقىرامىز"، - دەلىنگەن حابارلامادا.
