تٷركٸستان قالاسىندا ەر ادام ەيەلٸنە پىشاق جاراقاتىن سالىپ, سالدارىنان ەيەل كٶز جۇمدى, دەپ حابارلايدى dalanews.kz.
كٶرشٸلەردٸڭ ايتۋىنشا, اۋىر جارالانعان 54 جاستاعى ەيەلدٸ العاش بولىپ ونىڭ كەنجە ۇلى كٶرگەن. اناسىنىڭ داۋىسىن ەستٸگەن جاس جٸگٸت بٶلمەدەن شىعىپ, ونى قان-جوسا كٷيدە تاپقان. وسىدان كەيٸن ول بٸردەن جەدەل جەردەم شاقىرعان.
دەرٸگەرلەر ەيەلدٸڭ ٶمٸرٸن ساقتاپ قالۋعا تىرىسقانىمەن, ول جانساقتاۋ بٶلٸمٸندە قايتىس بولدى. الدىن الا مەلٸمەت بويىنشا, ەرلٸ-زايىپتىلار شامامەن 25 جىل بٸرگە ٶمٸر سٷرٸپ, تٶرت بالا تەربيەلەگەن. وتباسىلىق جانجالدىڭ ناقتى نەدەن تۋىنداعانى ەزٸرگە بەلگٸسٸز.
جەرگٸلٸكتٸ تۇرعىنداردىڭ سٶزٸنشە, وقيعادان كەيٸن ەيەلدٸڭ كٷيەۋٸ ٶزٸنە دە جاراقات سالىپ, ٶز-ٶزٸنە قول جۇمساماق بولعان. ول اۋرۋحاناعا جەتكٸزٸلگەن. قازٸرگٸ ۋاقىتتا كٷدٸكتٸ ۇستالىپ, قاماۋعا الىنعان. وقيعانىڭ مەن-جايىن قۇقىق قورعاۋ ورگاندارى انىقتاپ جاتىر.
