Túrkistan qalasynda er adam áieline pyshaq jaraqatyn salyp, saldarynan áiel kóz jumdy, dep habarlaidy dalanews.kz.
Kórshilerdiń aitýynsha, aýyr jaralanǵan 54 jastaǵy áieldi alǵash bolyp onyń kenje uly kórgen. Anasynyń daýysyn estigen jas jigit bólmeden shyǵyp, ony qan-josa kúide tapqan. Osydan keiin ol birden jedel járdem shaqyrǵan.
Dárigerler áieldiń ómirin saqtap qalýǵa tyrysqanymen, ol jansaqtaý bóliminde qaitys boldy. Aldyn ala málimet boiynsha, erli-zaiyptylar shamamen 25 jyl birge ómir súrip, tórt bala tárbielegen. Otbasylyq janjaldyń naqty neden týyndaǵany ázirge belgisiz.
Jergilikti turǵyndardyń sózinshe, oqiǵadan keiin áieldiń kúieýi ózine de jaraqat salyp, óz-ózine qol jumsamaq bolǵan. Ol aýrýhanaǵa jetkizilgen. Qazirgi ýaqytta kúdikti ustalyp, qamaýǵa alynǵan. Oqiǵanyń mán-jaiyn quqyq qorǵaý organdary anyqtap jatyr.
