تٷركٸستان قالاسىندا بالالار مەن جاسٶسپٸرٸمدەر اراسىندا «بابالار مۇراسى – ۇرپاققا ۇلاعات» اتتى ەپوستىق جىرلاردى جاتقا ايتۋدان وبلىستىق بايقاۋدىڭ العاشقى كەزەڭٸ ٶتتٸ, – دەپ حابارلايدى Dalanews.kz.
شاراعا ٶڭٸردەگٸ بارلىق اۋدان, قالالاردان جينالعان 20-دان استام دارىندى وقۋشى قاتىسىپ, «ەدٸگە» جىرىن جاتقا ايتتى. جالپى بايقاۋ ۇلتتىق رۋحتى جاڭعىرتاتىن, جاس بۋىننىڭ بويىندا ماقتانىش پەن وتانسٷيگٸشتٸك سەزٸمٸن قالىپتاستىرۋعا باعىتتالعان.
قاتىسۋشىلاردىڭ ٶنەرٸن ساراپتاعان قازىلار القاسىنىڭ قۇرامىندا وبلىستىق مەدەنيەت جەنە حالىق شىعارماشىلىعى ورتالىعىنىڭ «مەدەني دەمالىس جۇمىستارىن ۇيىمداستىرۋ» بٶلٸمٸنٸڭ باسشىسى مۇرات جۇمانوۆ, جىرشى, تەرمەشٸ, قر مەدەنيەت قايراتكەرٸ ابىلاي بٶرٸحانوۆ, وبلىستىق مەدەنيەت جەنە حالىق شىعارماشىلىعى ورتالىعىنىڭ «حالىق شىعارماشىلىعىن قامتاماسىز ەتۋ» بٶلٸمٸنٸڭ «ۇلتتىق شىعارماشىلىق جەنە جانرلار» مامانى ايازبەك رٷستەموۆ بولدى. قازىلار القاسى بايقاۋدا قاتىسۋشىلاردىڭ جىردى جاتقا ايتۋ شەبەرلٸگٸنە, داۋىس ىرعاعىنا, ساحنالىق مەدەنيەتٸنە جەنە ەپوستىڭ مەنٸن دۇرىس جەتكٸزۋٸنە باعا بەردٸ.
نەتيجەسٸندە, وتىرارلىق بەيبٸت جاقسىباي باس جٷلدەنٸ جەڭٸپ الدى. جٷلدەلٸ 1-ورىندى ماقتاارالدىق دەۋرەن رومانقۇل, 2-ورىندى تٷركٸستاندىق ايارۋ سەمباي مەن قازىعۇرتتىق اسقار پەرنەكٷل يەلەندٸ. سونداي-اق, 3-ورىنعا تٷركٸستاندىق الماز موميش, وتىرارلىق شاپاعات دەرٸسبەك, سارىاعاشتىق ەسەت يساحباي تابان تٸرەدٸ. ەندٸگٸ كەزەكتە قاتىسۋشىلار, ەكٸنشٸ كەزەڭ بويىنشا «قوبىلاندى باتىر» ەپوستىق جىرىن جاتقا ايتۋدان سايىسقا تٷسەدٸ.
