تۇركىستان قالاسىندا بيىل 944 پاتەرلى 11 تۇرعىن ءۇيدى پايدالانۋعا بەرۋ جوسپارلانعان. جىل باسىنان بەرى جوسپارعا سايكەس، 4 ءۇيدىڭ قۇرىلىسى اياقتالىپ، 348 پاتەر ءوز يەسىن تاپتى. بۇدان بولەك، نەسيە جۇيەسىمەن 2025 جىلى جالپى 2 082 پاتەردى پايدالانۋعا بەرۋ جوسپارلانعان، – دەپ حابارلايدى Dalanews.kz
«بۇگىنگى تاڭدا، تۇركىستان قالاسى بويىنشا تۇرعىن ءۇي كەزەگىندە تۇرعان ازاماتتار سانى – 17 058. ونىڭ 6 487ء-سى – ءالسىز توپ مۇشەلەرى بولسا، 5 185ء-ى – كوپبالالى وتباسىلار، 181ء-ى – تۇل جەتىم ساناتىنداعىلار. سونداي-اق، 5 203 وتباسى بيۋدجەت ەسەبىنەن باسپانالى بولۋعا كەزەكتە تۇرسا، 2 ءۇي اپاتتى جاعدايدا دەپ تانىلۋىنا بايلانىستى جاڭا ءۇي الۋ كەزەگىنە تىركەلگەن. جاڭا زاڭعا سايكەس، 2025 جىلدىڭ 24 مامىرىنان باستاپ ساناتىنا قاراماستان، سوڭعى 5 جىلدا اتىندا تۇرعىن ءۇيى جوق ازاماتتار ءۇي كەزەگىنە تۇرۋ مۇمكىندىگىنە يە بولا الادى. سونداي-اق، مەملەكەتتiك تۇرعىن ءۇي قورىنان بەرىلەتىن ۇيلەردى جەكەشەلەندiرۋ تۋرالى قاعيدالارىنا دا ءبىرقاتار وزگەرىستەر ەنگىزىلگەن. جاڭا وزگەرىستەرگە سايكەس، بىرنەشە ساناتتاعى ازاماتتار مەملەكەتتىك تۇرعىن ءۇي قورىنان وزدەرى تۇراتىن باسپانالاردى ءوز مەنشىگىنە وتەۋسىز الۋعا مۇمكىندىك الىپ وتىر» - دەدى تۇركىستان قالاسى اكىمىنىڭ ورىنباسارى تالعات تولەگەنوۆ.
سونىمەن قاتار، تۇركىستان قالاسىندا «وتباسى بانك» ارقىلى كرەديتتىك جۇيەمەن 2025 جىلى جالپى 2082 پاتەردى پايدالانۋعا بەرۋ جوسپارلانىپ وتىر. بۇل تۋرالى بريفينگتە تۇركىستان وبلىستىق «وتباسى بانك» اق فيليالى ديرەكتورىنىڭ ورىنباسارى داۋرەن مىرزاتايەۆ ايتتى. اتالعان تۇرعىن ۇيلەرگە وتىنىشتەر ءۇي كەزەكتە تۇركىستان وبلىسى بويىنشا تۇرعان بانك سالىمشىلارىنان قابىلدانادى. قازىرگى تاڭدا اتالعان بانك ارقىلى 1 016 پاتەردىڭ شارشى مەترى 180 مىڭ تەڭگەدەن بولسا، 1 066 پاتەردىڭ شارشى مەترى 220 مىڭ تەڭگەگە باعالانىپ وتىر.
