تٷركٸستاندا بٸر مەزەتتە 400 ادامعا قىزمەت ەتەتٸن جاستار ورتالىعى اشىلدى
تٷركٸستان قالاسىندا جاستار جىلىنا وراي, العاش رەت كٶپفۋنكتسيونالدى زاماناۋي, جاڭا ٷلگٸدەگٸ «جاستار رەسۋرستىق ورتالىعى» عيماراتى اشىلدى. ايتۋلى عيماراتتىڭ سالتاناتتى اشىلۋ رەسٸمٸنە, وبلىس ەكٸمٸ ج.تٷيمەباەۆ پەن قر قوعامدىق دامۋ ۆيتسە-مينيسترٸ ج.وماربەكوۆا, سونىمەن قاتار «نۇر وتان» پارتيياسى تٷركٸستان وبلىسى فيليالى تٶراعاسىنىڭ بٸرٸنشٸ ورىنباسارى ن.جولداسوۆ, وبلىستىق ماسليحات حاتشىسى, دەپۋتاتتارى مەن قوعام قايراتكەرلەرٸ قاتىستى.
بارلىق اۋدان قالا ەكٸمدەرٸ, باسقارما باسشىلارى, رەسپۋبليكالىق قوعامدىق ۇيىمداردىڭ ٶكٸلدەرٸ مەن اۋدان, قالالىق جاستار رەسۋرستىق ورتالىقتارىنىڭ باسشىلارى جەنە ٶڭٸردٸڭ 200-دەن استام بەلسەندٸ جاستارى كەلدٸ.
ٶڭٸر باسشىسى ج.تٷيمەباەۆ جاستار جىلىنىڭ باستالۋىمەن جەنە تٷركٸستان وبلىسى جاستارىنىڭ جاڭا عيماراتىنىڭ اشىلۋىمەن قۇتتىقتادى.
– مەن بٷگٸن سٸزدەرمەن ەكٸم رەتٸندە ەمەس, زامانداستارىڭىز رەتٸندە ەركٸن پٸكٸر الماسقىم كەلەدٸ. ٶيتكەنٸ ەڭ تالانتتى, ەڭ دارىندى, ەڭ وتانشىل, ەڭ ەڭبەكقور جاستار تٷركٸستان وبلىسىندا تۇرادى دەپ ەسەپتەيمٸن! بيىل جاستارىمىز ٷشٸن ەرەكشە جىل بولعالى تۇر. ەلباسىمىزدىڭ تٸكەلەي تاپسىرماسىمەن ەلٸمٸزدە جاستاردى قولداۋ باعىتىنداعى جۇمىستار كٷشەيتٸلەدٸ. وبلىسىمىزدا دا جوسپارلار جاسالىپ, ناقتى جۇمىستار باستالىپ كەتتٸ. وسى كەزدەسۋدٸڭ الدىندا مەن جاڭادان اشىلعان عيماراتتى ارالاپ, تانىسىپ شىقتىم. مۇندا جاستاردىڭ جان-جاقتى دامۋىنا, بويىنداعى ٶنەرٸ مەن قابٸلەتتەرٸن ارتتىرۋىنا تولىق جاعداي جاسالعان. مىسالى, كەسٸپكەرلٸكپەن اينالىسام دەۋشٸلەرگە كوۆوركينگ ورتالىعى, ٸت-park, زاڭگەرلٸك كەڭەستەر قاراستىرىلعان. سونىمەن بٸرگە ەرٸكتٸلەر كلۋبى, «جاس سارباز», ەلەكتروندى كٸتاپحانا, تٸلدەر مەكتەبٸ, ينتەرنەت جەلٸسٸ, مەجٸلٸس زالى, سپورت الاڭشالارى جەنە تاعى باسقا يگٸلٸكتەر بار. بۇل – سٸزدەر ٷشٸن جاسالعان ٷلكەن قولداۋ. ەندٸ وسى جاستار ورتالىعىندا ٶرەندەرٸمٸز ٶز-ٶزدەرٸن دامىتىپ, بٸلٸمدەرٸن شىڭداۋلارى قاجەت, – دەدٸ ج.قانسەيٸتۇلى.
كٶپ فۋنكتسيونالدى جاڭا ٷلگٸدەگٸ جاستار ورتالىعى – بٸر مەزەتتە 400-گە جۋىق جاسقا قىزمەت كٶرسەتە الادى. ورتالىقتا «جاستارعا قىزمەت كٶرسەتۋ» ورتالىعى, «موبيلدٸ توپ», Turkistan HUB coworking zone, IT PARK, روبوتوتەحنيكا مەكتەپتەرٸ, كوۆوركينگ الاڭى, ەلەكتروندى كٸتاپحانا, «جاس سارباز», «ەرٸكتٸلەر مەكتەبٸ», «قۇرىلىس جاساقتارى», «تٸلدەر مەكتەبٸ», تٷرلٸ جاستار ۇيىمدارى, مەديا ستۋدييا جەنە پسيحولوگييالىق تەراپييا سىندى كٶپتەگەن جاستار كلۋبتارى, مەكتەپتەر مەن ٷيٸرمەلەر جۇمىس ٸستەيدٸ. سونداي-اق, عيمارات ٸشٸندە «relax zone» دەمالىس ايماعى, عيماراتتىڭ سىرتقى بٶلٸگٸندە فۋتبول, ۆالەيبول, باسكەتبول, تەننيس ويناۋعا ارنالعان سپورتتىق الاڭشالار ورنالاسقان.
