تٷركٸستاندا بەس جۇلدىزدى قوناق ٷيدٸڭ قۇرىلىسى باستالدى
تٷركٸستان وبلىسىنىڭ ەكٸمٸ جانسەيٸت تٷيمەباەۆ «قالا كٷنٸ» مەرەكەسٸنٸڭ قارساڭىندا «RIXOS KHADISHA TURKESTAN» بەس جۇلدىزدى قوناق ٷيٸنٸڭ كاپسۋلاسىن سالۋ رەسٸمٸنە قاتىستى.
وندا قوناق ٷي كەشەنٸن جوباسىمەن تانىسىپ, قۇرىلىس جۇمىستارىن سالتاناتتى جاعدايدا باستاپ بەردٸ. جيىندا بارىسىندا ايماق باسشىسى اتقارىلىپ جاتقان بۇل شارالار – تٷركٸستان قالاسىن تٷركٸ ەلەمٸنٸڭ مەدەني استاناسى ەتۋدٸڭ العى شارتى ەكەنٸن اتاپ ٶتتٸ.
– بٸزدٸڭ وبلىس تاريحي-مەدەني مۇرالار مەن ەسكەرتكٸشتەرگە باي ٶڭٸر. مۇنداي جەرلەرگە تۋريستەر كٶپتەپ اعىلاتىنى مەلٸم. سوندىقتان دا بٸز تۋريستٸك ينفراقۇرىلىمدى بارىنشا جاقسارتا تٷسۋٸمٸز كەرەك. ياعني, شەتەلدٸك قوناقتاردى جوعارى دەڭگەيدە كٷتٸپ الۋ ٷشٸن ٶڭٸردەگٸ ەۋەجاي جەنە تەمٸر جول جەلٸلەرٸندە ساپالى قىزمەتتەر كٶرسەتٸلۋٸ تيٸس. بۇل تۇرعىدا قوناق ٷيلەردٸڭ دە دەڭگەيٸ جوعارى بولۋى ٷلكەن مەنگە يە. دەمەك, قالامىز قوناقتاردىڭ جٷرٸپ-تۇرۋىنا ىڭعايلا بولسا, كەلەتٸن تۋريستەردٸڭ سانى دا ارتا تٷسەدٸ. وسى رەتتە, ٶز قاراجاتى ەسەبٸنەن وسىنداي زەۋلٸم عيمارات سالعالى جاتقان سەرٸكجان سەيتجانوۆ مىرزاعا العىس بٸلدٸرەمٸن, – دەدٸ جانسەيٸت قانسەيٸتۇلى.
120 ورىنعا شاقتالعان قوناق ٷي 3 گەكتار اۋماقتا بوي كٶتەرەدٸ. 6 قاباتتان تۇراتىن عيماراتتا 3 بٸردەي مەيرامحانا, كينوتەاتر جەنە ٸسكەر توپ ٶكٸلدەرٸ ٷشٸن بيزنەس ورتالىقتار جوسپارلانعان. جوبانىڭ جالپى قۇنى 10 ملرد. تەڭگەنٸ قۇرايدى. جوسپار بويىنشا قۇرىلىس جۇمىستارى 2019 جىلدىڭ جەلتوقسان ايىندا اياقتالادى دەپ كٷتٸلۋدە.
بۇدان بٶلەك, وبلىس ەكٸمٸ «ROYAL GRAND HOTEL» قوناق ٷيٸنٸڭ اشىلۋىنا قاتىستى. 2016 جىلى قۇرىلىسى باستالعان عيماراتتىڭ جالپى اۋماعى 1,5 مىڭ شارشى مەتر. قوناق ٷي تەۋلٸگٸنە 60 ادامعا قىزمەت كٶرسەتەدٸ.
زاماناۋي قۇرال-جابدىقتارمەن قامتىلعان قوناق ٷي كەشەنٸندە كٸشٸ ماركەت, شاشتاراز, دەمحانا, مونشا جەنە دەرٸحانا جۇمىس ٸستەيدٸ. ودان بٶلەك, مۇندا قوناقتارعا ارنالعان جەكە اۆتوتۇراق قاراستىرىلعان.
تٷركٸستان وبلىسى ەكٸمٸنٸڭ باسپاسٶز قىزمەتٸ
