بۇعان دەيىن ازاماتتار «وتباسى بانكى» اق، ەكىنشى دەڭگەيلى بانكتەر: «قازاقستان حالىق بانكى» اق، «سبەر بانكى» اق ارقىلى تۇرعىن ءۇي الۋ جولدارىنىڭ اقپاراتىن العان بولاتىن.
تۇركىستان قالاسىنداعى اكىمشىلىك-ىسكەرلىك ورتالىعىندا قۇرىلىسى اياقتالعان كوپقاباتتى تۇرعىن ۇيلەر (1،2 جانە 3 بولمەلى) 2021 جىلدىڭ ناۋرىز ايىنان باستاپ ەكىنشى دەڭگەيلى بانكتەر ارقىلى «وتباسى بانك» اق، «7-20-25» باعدارلاماسىمەن ۇزاق مەرزىمگە نەسيەگە بەرىلۋدە.
تۇركىستان قالاسى اكىمدىگى «قۇرىلىس ءبولىمى» ءمم-نىڭ مالىمەتىنە سايكەس، قازىردە اتالعان ورتالىقتا 1 توقساندا 16 ءۇي، 2 توقساندا 27 ءۇي، 3 توقساندا 22 ءۇي، 4 توقساندا 17 ءۇي بەرىلەدى دەپ جوسپارلانۋدا.
ايتا كەتەيىك، تۇركىستان وبلىسىنىڭ اكىمى ءومىرزاق شوكەيەۆتىڭ تاپسىرماسىمەن تۇركىستان قالاسىندا تۇرعىن ءۇي ساتۋ ورتالىعى اشىلعان بولاتىن.