تٷركٸستاندا «بالۋان شولاق» فيلمٸنٸڭ پرەمەراسى ٶتتٸ
تٷركٸستان قالاسىنداعى ق.ا.ياساۋي اتىنداعى حالىقارالىق قازاق-تٷرٸك ۋنيۆەرسيتەتٸنٸڭ مەدەنيەت ورتالىعىندا «بالۋان شولاق» فيلمٸنٸڭ كٶرسەتٸلٸمٸ ٶتتٸ. فيلمدٸ قر مەدەنيەت جەنە سپورت مينيسترلٸگٸنٸڭ تاپسىرىسى بويىنشا ش.ايمانوۆ اتىنداعى «قازاقفيلم» كينوستۋديياسى تٷسٸرگەن. فيلمنٸڭ رەجيسسەرٸ – نۇرگەلدٸ سادىعۇلوۆ. تاريحي كينولەنتا پالۋان, ەنشٸ ەرٸ كومپوزيتور بالۋان شولاققا ارنالعان.
قازاق سال-سەرٸلەرٸنٸڭ سوڭعى تۇياعى, تاريحتا «بالۋان شولاق» دەگەن اتپەن بەلگٸلٸ ٶزٸ بالۋان, ەرٸ اقىن ەرٸ سەرٸ نۇرماعانبەت بايمىرزاۇلى جايىنداعى فيلمدە ازاماتتىڭ ەل باسىنا قيىن-قىستاۋ كٷن تۋعان شاقتا جاساعان ەرلٸگٸ بايان ەتٸلەدٸ. ستسەنارييدەگٸ نەگٸزگٸ وقيعا ورىس پەرەسەلەندەرٸنٸڭ قازاق دالاسىنا كٶشٸرٸلگەن سەتٸمەن, سول عاسىرداعى قازاق قوعامىنداعى قيىن كەزەڭمەن ٶرنەكتەلگەن. فيلم بالۋان شولاقتىڭ تٷرمەدە جاتقان تۋعان-تۋىس, باۋىرلارىن بوساتىپ, ەدٸلدٸككە قول جەتكٸزۋٸمەن اياقتالادى. فيلمدە قازاق قوعامىنىڭ وتارشىلدىققا قارسى كٶزقاراسى, كٷرەسٸ كٶرٸنٸس تاپقان.
اتاقتى بالۋاننىڭ رٶلٸن ەركەبۇلان دايىروۆ سومداعان. سونىمەن قاتار البينا شارداروۆا, مەدعات ٶمٸرەليەۆ, الەكساندر باگريانتسەۆ سىندى اكتەرلاردى كٶرە الامىز.
«بالۋان شولاق» فيلمٸنٸڭ يدەيا اۆتورى, ەرٸ ستسەنارييٸن جازعان وبلىسىمىزدىڭ تۋماسى مەملەكەتتٸك سىيلىقتىڭ يەگەرٸ, جازۋشى, دراماتۋرگ – دۋلات يسابەكوۆ.
كٶرسەتٸلٸم بارىسىندا رەجيسسەرلىق توپ تٷركٸستانىق كٶرەرمەنمەن جەنە جاستارمەن كەزدەستٸ. دۋلات يسابەكوۆ "بالۋان شولاق" فيلمٸن ٶزٸنٸڭ كينو سالاسىنداعى ەڭ تابىستى جوبالارىنىڭ بٸرٸ ەكەنٸن ايتتى. ال فيلم رەجيسسەرٸ نۇرگەلدٸ سادىعۇلوۆ بۇل تۋىندى قازاق جاستارىنىڭ وتانشىلدىق سەزٸمٸن وياتاتىنىنا سەنٸم بٸلدٸردٸ. تٷركٸستان وبلىسى ەكٸمٸنٸڭ ورىنباسارى مەلٸك وتارباەۆ فيلم رەجيسسەرٸ مەن ستسەناريي اۆتورىنا جەنە شىعارماشىلىق توپقا العىسىن ايتىپ, وبلىس ەكٸمٸ اتىنان سىي-سيياپات جاسادى. اتالعان فيلمدٸ قازاقستانمەن بٸرگە تٷركٸ ەلەمٸنە دە تاراتۋ كەرەكتٸگٸن ايتتى. كەش سوڭىندا تٷركٸستاننىڭ ٶنەرسٷيەر قاۋىمى دۋلات يسابەكوۆپەن ەستەلٸك سۋرەتكە تٷسٸپ, قولتاڭباسىن الدى.
