«بەركە ايۋ جانە كاسىپ» اتتى تۋىندىدا ىسكەر ايۋ بەركەنىڭ كاسىپ اشۋعا دەگەن قىزىعۋشىلىعى جانە ونىڭ وسى جولدا باستان كەشكەندەرى باياندالادى.
كىتاپ اۆتورى تۇركىستاندىق جاس جازۋشى – داۋرەن ءجۇنىس. يدەيا اۆتورى – ايبەك قۋاتباي، جوبا جەتەكشىسى – پاراسات تانەن، باس رەداكتورى – سادىق شەرىمبەك. سۋرەتشىلەر: بەكزات يسامبەرگەنوۆ، ايگەرىم ءسۇتتىباي قىزى.
«Orda Generation» ج ش س باسىپ شىعارعان كىتاپ ساپالى قاعازدا، ءتۇرلى-تۇستى سۋرەتپەن بەزەندىرىلگەن. ءار ەرتەگىنىڭ سوڭىندا جاس كىشكەنتاي وقىرماندارعا ساۋالدار مەن بوياماق جيناق قوسا بەرىلگەن.
بۇل كىتاپتا اۆتوردىڭ ادامدىق، ۇلتتىق جانە تانىم قۇندىلىقتارى نەگىزىندە جازعان ەرتەگىلەرى جيناقتالعان. جوبا جاساۋشىلارى بارلىق جاس وقىرمان مەن اتا-انالارىنا ىڭعايلى بولۋ ءۇشىن ەرتەگىلەردىڭ اۋديولارىنا كىتاپ ىشىنە سىلتەمە بەرگەن.
تەحنولوگيالىق ۇدەرىستەر مەن زامان تالابى قازىرگى بالالاردىڭ كونتەنت قاجەتتىلىكتەرىنىڭ اياسىن ەسەلەپ كەڭەيتكەنى بەلگىلى. سول فاكتورلاردى نەگىزگە الا وتىرىپ، جاھاندىق تاجىريبەلەردىڭ ەڭ سوڭعى وزىق ۇلگىسىمەن استاستىرىپ شىعارىلعان بۇل ونىمدەر سەرياسى جاڭا لەپ ىزدەگەن كوپشىلىك وقىرماننىڭ كوڭىلىنەن شىعادى.
بۇگىنگى ۇرپاق تاربيەسىندەگى ولقىلىقتىڭ ءبىرى – بالالاردىڭ ەكونوميكالىق ءبىلىمىن قالىپتاستىرۋ، قارجى ساۋاتتىلىعىنا باۋلۋ. وسى قاسيەتتى وسكەلەڭ ۇرپاقتىڭ بويىندا قالىپتاستىرۋ ءۇشىن انا-انالار مەن ۇستازداردىڭ تاربيەلىك جۇمىسى ۇزدىكسىز ءجۇرۋى ءتيىس. بۇل رەتتە قازاقشا «بەركە ايۋ جانە كاسىپ» ەرتەگىلەر جيناعى بالالاردىڭ اينىماس دوسى بولاتىنىنا سەنىم مول.
