Túrkistanda balalardyń qarjylyq saýattylyǵyn arttyratyn ertegi kitap jaryq kórdi
«Berke aiý jáne kásip» atty týyndyda isker aiý Berkeniń kásip ashýǵa degen qyzyǵýshylyǵy jáne onyń osy jolda bastan keshkenderi baiandalady.
Kitap avtory túrkistandyq jas jazýshy – Dáýren Júnis. Ideia avtory – Aibek Qýatbai, joba jetekshisi – Parasat Tanen, bas redaktory – Sadyq Sherimbek. Sýretshiler: Bekzat Isambergenov, Aigerim Súttibaiqyzy.
«Orda Generation» JShS basyp shyǵarǵan kitap sapaly qaǵazda, túrli-tústi sýretpen bezendirilgen. Ár erteginiń sońynda jas kishkentai oqyrmandarǵa saýaldar men boiamaq jinaq qosa berilgen.
Bul kitapta avtordyń adamdyq, ulttyq jáne tanym qundylyqtary negizinde jazǵan ertegileri jinaqtalǵan. Joba jasaýshylary barlyq jas oqyrman men ata-analaryna yńǵaily bolý úshin ertegilerdiń aýdiolaryna kitap ishine silteme bergen.
Tehnologiialyq úderister men zaman talaby qazirgi balalardyń kontent qajettilikteriniń aiasyn eselep keńeitkeni belgili. Sol faktorlardy negizge ala otyryp, jahandyq tájiribelerdiń eń sońǵy ozyq úlgisimen astastyryp shyǵarylǵan bul ónimder seriiasy jańa lep izdegen kópshilik oqyrmannyń kóńilinen shyǵady.
Búgingi urpaq tárbiesindegi olqylyqtyń biri – balalardyń ekonomikalyq bilimin qalyptastyrý, qarjy saýattylyǵyna baýlý. Osy qasietti óskeleń urpaqtyń boiynda qalyptastyrý úshin ana-analar men ustazdardyń tárbielik jumysy úzdiksiz júrýi tiis. Bul rette qazaqsha «Berke aiý jáne kásip» ertegiler jinaǵy balalardyń ainymas dosy bolatynyna senim mol.
