مەملەكەت باسشىسى ۇلتتىق قۇرىلتايدا كىتاپ ماسەلەسىنە ەرەكشە توقتالىپ وتكەنى بەلگىلى. پرەزيدەنت ءوز سوزىندە «شىن مانىندە، كىتاپ وقيتىن ەل زيالى ۇلتقا اينالادى. ءبىز جاس ۇرپاقتى كىتاپقا قۇشتارلىعىن وياتۋىمىز كەرەك. جاستاردى كىتاپ وقۋعا تارتا وتىرىپ، قوعامدى تاربيەلەيمىز» دەي كەلە «اۋىل كىتاپحانالارىنا 100 كىتاپ» اكسياسىن باستاپ جانە وسى يگى باستامانى قولداۋعا شاقىرعان بولاتىن.
وسى ماقساتقا وراي بۇگىن تۇركىستان وبلىستىق «فاراب» امبەباپ عىلىمي كىتاپحاناسىنىڭ ديرەكتورى جانات شارداربەكوۆا ق ر مادەنيەت جانە اقپارات ءمينيسترى ايدا عالىم قىزى ۇسىنعان 100 دانا كىتاپتى سوزاق اۋداندىق ورتالىق كىتاپحاناسىنا قاراستى «اقسۇمبە» اۋىلدىق كىتاپحاناسىنا، وقىرماندارىنا سىيعا تارتتى، دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
تاعىلىمدى شاراعا كىتاپحاناشىلار جانە كىتاپحانا وقىرماندارى، سونىمەن قاتار ماقسات جەڭس ۇلى، ورىنباسار حاسەن ۇلى، ءامىر دۇيسەبەك ۇلى، بەكەن نيازبەكوۆ قالامگەرلەر ءسوز سويلەپ، كىتاپحانا قىزمەتكەرلەرىنە ريزاشىلىقتارىن جەتكىزدى.