تۇركىستان قالاسىندا 8 ملن جۋىق تەڭگەگە بيۋدجەت قاراجاتىن جىمقىرۋ فاكتىسى انىقتالدى، دەپ حابارلايدى Dalanews.kz.
تۇركىستان وبلىسىنىڭ پروكۋراتۋراسى قازىناشىلىق دەپارتامەنتىنىڭ قىزمەتىندە جۇيەلى زاڭدىلىقتى بۇزۋشىلىقتاردى انىقتادى.
"اتاپ ايتقاندا، دەپارتامەنتتىڭ لاۋازىم يەلەرى "سىرداريا-تۇركىستان مەملەكەتتىك وڭىرلىك تابيعي پاركى" كمم ەسەپشىلەرىمەن ءسوز بايلاسۋ ارقىلى كمم-نىڭ قىزمەتكەرلەرىنىڭ سانىن نەگىزسىز ۇلعايتىپ، 8 ملن جۋىق تەڭگەنى يەمدەنگەن"، - دەلىنگەن باس پروكۋراتۋرا تاراتقان حابارلامادا.
بوتەن ءمۇلiكتi يەمدەنiپ الۋ فاكتىسىمەن جيناقتالعان قۇجاتتار سدتبت تىركەلىپ، تەرگەۋ جۇرگىزۋ تۇركىستان وبلىسى بويىنشا ەكونوميكالىق تەرگەپ-تەكسەرۋ دەپارتامەنتىنە تاپسىرىلدى.
باسقا دا قولدانىستاعى زاڭنامالار بويىنشا زاڭ بۇزۋشىلىقتار انىقتالىپ، ولاردى جويۋ ماقساتىندا قازاقستان رەسپۋبليكاسى قارجى مينيسترلىگىنە ۇسىنىس ەنگىزىلدى.
بۇعان دەيىن تۇركىستان وبلىسى "جاسىل ايماق" كوممۋنالدىق مەملەكەتتىك مەكەمەسى باسشىلارىنىڭ جاسىل بەلدەۋ ايماعىن قۇرۋ ءۇشىن ورمان قورى جەرىنەن بەرىلگەن 103 گا جەر ۋچاسكەنى ءتيىمدى پايدالانباي 1 ملرد اسا بيۋدجەت قارجاتىن جاراتىپ جىبەرگەنى انىقتالعان.
