Túrkistan qalasynda 8 mln jýyq teńgege búdjet qarajatyn jymqyrý faktisi anyqtaldy, dep habarlaıdy Dalanews.kz.

Túrkistan oblysynyń prokýratýrasy qazynashylyq departamentiniń qyzmetinde júıeli zańdylyqty buzýshylyqtardy anyqtady.

"Atap aıtqanda, Departamenttiń laýazym ıeleri "Syrdarıa-Túrkistan memlekettik óńirlik tabıǵı parki" KMM esepshilerimen sóz baılasý arqyly KMM-niń qyzmetkerleriniń sanyn negizsiz ulǵaıtyp, 8 mln jýyq teńgeni ıemdengen", - delingen Bas prokýratýra taratqan habarlamada.

Bóten múlikti ıemdenip alý faktisimen jınaqtalǵan qujattar SDTBT tirkelip, tergeý júrgizý  Túrkistan oblysy boıynsha Ekonomıkalyq tergep-tekserý departamentine tapsyryldy.

Basqa da qoldanystaǵy zańnamalar boıynsha zań buzýshylyqtar anyqtalyp, olardy joıý maqsatynda Qazaqstan Respýblıkasy Qarjy mınıstrligine usynys engizildi.

Buǵan deıin Túrkistan oblysy "Jasyl aımaq" komýnaldyq memlekettik mekemesi basshylarynyń jasyl beldeý aımaǵyn qurý úshin orman qory jerinen berilgen 103 ga jer ýchaskeni tıimdi paıdalanbaı 1 mlrd asa búdjet qarjatyn  jaratyp jibergeni anyqtalǵan.