وعان زيالى قاۋىم، ولكەتەنۋشىلار، باسقارما باسشىلارى، قوعام بەلسەندىلەرى، ۇستازدار مەن عالىمدار جانە ب ا ق وكىلدەرى قاتىستى. جيىندى تۇركىستان وبلىستىق ىشكى ساياسات باسقارماسىنىڭ باسشىسى بەيسەنباي تاجىبايەۆ اشىپ، جۇرگىزىپ وتىردى. ول وبلىستا «رۋحاني جاڭعىرۋ» باعدارلاماسىن جۇزەگە اسىرۋ باعىتىنداعى جۇمىستارعا توقتالدى.
– ەلباسىمىز نۇرسۇلتان ءابىش ۇلى نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ جاريالانعانىنا ءبىر جىلدان استام ۋاقىت ءوتتى. وسى ۋاقىت ىشىندە تۇركىستان وبلىسىندا «رۋحاني جاڭعىرۋ» باعدارلاماسىنىڭ بارلىق باسىم باعىتتارى بويىنشا ناقتىلى جۇمىستار اتقارىلدى.
وبلىس اكىمى جانسەيىت تۇيمەبايەۆتىڭ تىكەلەي تاپسىرماسىمەن ەل رۋحانياتىنا سەرپىن بەرەتىن جوبالار قولعا الىندى. وبلىستا وڭىرلىك كوميسسيا، ساراپشىلار كەڭەسى مەن جوبالىق كەڭسە قۇرىلىپ، ءىس-شارالار جوسپارى بەكىتىلدى. تۇركىستان وبلىسىنىڭ تاريحي جانە تۋريستىك ورىندارى جونىندە اعىلشىن، قازاق جانە ورىس تىلدەرىندە ارنايى روليكتەر ازىرلەنىپ جاتىر.
بيىل تۇركىستان وبلىسىنىڭ 25 قالامگەرىنىڭ جەكە سايتتارى ازىرلەنىپ، وڭىردەگى 10 اقىن-جازۋشىنىڭ كىتاپتارى شىعارىلادى. بۇل رۋحانيات سالاسىنا وڭ اسەر بەرەدى دەگەن سەنىمدەمىز. «بولاشاققا باعدار: رۋحاني جاڭعىرۋ» اياسىندا 3 انيماسيالىق جانە 1 كينوفيلم ءتۇسىرىلىپ، رەسپۋبليكالىق دەڭگەيدەگى 10 ساراپشىنىڭ زەرتتەۋ ماقالاسى ازىرلەنەدى. اتاپ ايتساق، «ورداباسى – بىرلىكتىڭ تۋى»، «وقسىز وقيعاسى»، «تۇركىستان» مۋلتفيلمدەرى مەن «تولەبي» ءفيلمى ءتۇسىرىلىپ جاتىر. سونىمەن قاتار، «تاڭبالى تاستار – بابالار ىزىمەن» تۇركىستان قاراتاۋ جوتاسى بويىنشا باسپا ءسوز تۋرى وتكىزىلىپ، «ولكەتانۋ» وبلىستىق سايتى اشىلادى. تاعى ءبىر ايتا كەتەرلىگى، «تاڭعاجايىپ تۇركىستان» اتتى الەۋمەتتىك جەلى قولدانۋشىلارىنىڭ بايقاۋى ۇيىمداستىرىلادى. «رۋحاني جاڭعىرۋ» – بىرنەشە جىلعا عانا ارنالعان ەمەس، ۇزدىكسىز جۇمىس ىستەۋدى تالاپ ەتەتىن باعدارلاما، – دەدى باسقارما باسشىسى.
باسقوسۋدا "رۋحاني جاڭعىرۋ" جوبالىق كەڭسەسىنىڭ جەتەكشىسى باقىتجان اشىربەكوۆ 8 ايدا اتقارىلعان جۇمىستاردى باياندادى. ونىڭ ايتۋىنشا، تۇركىستان وبلىسىندا «رۋحاني جاڭعىرۋ» باعدارلاماسىنىڭ 6 باسىمدىعى، ياعني باسەكەلىك قابىلەت، پراگماتيزم، ۇلتتىق بىرەگەيلىكتى ساقتاۋ، ءبىلىمنىڭ سالتانات قۇرۋى، قازاقستاننىڭ ريەۆوليۋسيالىق ەمەس، ەۆوليۋسيالىق دامۋى، سانانىڭ اشىقتىعى نەگىزىندە 6 ارنايى جوبا ازىرلەنىپ، ناقتى ءىس-شارالار جۇزەگە اسىرىلعان. جوبالىق كەڭسەدە 46 جوبا ازىرلەنىپ، 168 ءىس-شارا قولعا الىنعان.
بيىل تۇركىستان وبلىسىنىڭ شەجىرەلى ورىندارى تۋرالى اڭىز-اڭگىمەلەر جيناعى جانە وبلىستىڭ ءتۋريزمى مەن تاريحىنان سىر شەرتەتىن فوتوالبومدار دايىندالىپ جاتىر. دالىرەك ايتساق، وڭتۇستىك ءوڭىرىنىڭ ءاڭىز-اپسانالارىنان جيناق شىعارىلسا، «تۇركىستاننىڭ كونە قالالارى»، «تۇركىستاننىڭ تاڭعاجايىپ تابيعاتى» فوتوالبومى جارىق كورمەك.
جيىندا «ولكەتانۋ» جوباسىنىڭ اۆتورلارىنىڭ ءبىرى، تاريحشى ۇستاز ءومىر شىنىبەك ۇلى، «يۋجنىي كازاحستان» گازەتى باس رەداكتورىنىڭ ورىنباسارى كەڭەسباي يسمايلوۆ، «وڭتۇستىك قازاقستان» گازەتىنىڭ ديرەكتور - باس رەداكتورى اباي بالاجان، بەلگىلى شەجىرەشى-قالامگەر مومبەك ابدىاكىم ۇلى مەن «قازاقستان جولى» گازەتىنىڭ باس رەداكتورى وڭعار تاجييەۆتىڭ پىكىرلەرى تىڭدالدى. سونىمەن قاتار، وزگە دە ازاماتتار ءوز ويلارىن ورتاعا سالىپ، «رۋحاني جاڭعىرۋ» باعدارلاماسىن ءتيىمدى جۇزەگە اسىرۋ جونىندەگى ۇسىنىستارىن ايتتى. ۇسىنىستار مەن ويلاردىڭ ماڭىزدىلارى ەسكەرىلىپ، وڭىرلىك جوبالىق كەڭسەنىڭ جۇمىس جوسپارىنا ەنگىزىلەدى.
تۇركىستان وبلىسى اكىمىنىڭ باسپا ءسوز قىزمەتى
