تٷركٸستاندا 8 ناۋرىز – حالىقارالىق ەيەلدەر كٷنٸنە ارنالعان «ەلەمنٸڭ جارىعى – انا» مەرەكەلٸك ٸس-شاراسى ٶتتٸ. سالتاناتتى جيىندا ٶز سالالارى بويىنشا تٷركٸستان ٶڭٸرٸنٸڭ دامۋىنا ٷلەس قوسىپ جٷرگەن ارداقتى ەجەلەر مەن حانىمدار, كٶپبالالى انالار, ٸسكەر ارۋلارعا قۇرمەت كٶرسەتٸلدٸ, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
تٷركٸستان وبلىسى ەكٸمٸ دارحان ساتىبالدى ارداقتى انالار مەن قىز-كەلٸنشەكتەردٸ مەرەكەلەرٸمەن قۇتتىقتادى.
– سٸزدەردٸ كٶكتەمنٸڭ ەڭ اياۋلى ەرٸ شۋاقتى مەرەكەسٸ – 8 ناۋرىز – حالىقارالىق ەيەلدەر كٷنٸمەن شىن جٷرەكتەن قۇتتىقتايمىن. كٶكتەم, سۇلۋلىق جەنە انا – قاناتتاس ۇعىمدار. انا – شۋاق, انا – مەيٸرٸم, انا – ٸزگٸلٸك. ادامزات بالاسىنىڭ انالارعا دەگەن ماحابباتى مەن قۇرمەتٸ ەشقاشان سەيٸلمەيدٸ.
بارلىق ادام اناعا قارىزدار. كٶشباسشى دا, قايراتكەر دە, باتىر دا, اقىن دا انادان تۋادى. قازاق حالقى قىز بالاسىن اسا قادٸرلەپ, ارداقتى انالاردى قۇرمەتتەگەن. قارىنداستى قورعاپ, ارۋلاردى ايالاعان.
سٸزدەر تٷركٸستان ٶڭٸرٸن ٶركەندەتۋ جولىندا دا جەمٸستٸ ەڭبەك ەتٸپ كەلەسٸزدەر. تٷركٸستان – كٶپبالالى انالار سانى جاعىنان ەل بويىنشا الدىڭعى ورىندا. 2023 جىلى ٶڭٸردە 54 مىڭنان استام سەبي دٷنيە ەسٸگٸن اشتى. وبلىسىمىزدا 179 مىڭنان اسا كٶپبالالى انا بار. 2500 «باتىر انا», 17 مىڭعا جۋىق انا «التىن القا», 4 مىڭ «انا داڭقى» وردەندەرٸنٸڭ يەگەرٸ سانالى ۇرپاق ٶسٸرۋدە. ارداقتى انالارىمىز تەك وتباسىنىڭ ۇيىتقىسى عانا بولىپ قويماي, قوعامنىڭ بارلىق سالاسىندا جەمٸستٸ ەڭبەك ەتٸپ كەلەدٸ.
سٸزدەر مەيٸرٸم مەن دانالىقتىڭ قاينار بۇلاعىسىزدار. گٷل كٶكتەم مەن سۇلۋلىقتىڭ سىڭارىسىزدار! سٸزدەردٸ حالىقارالىق حانىمدار مەرەكەسٸمەن قۇتتىقتاي وتىرىپ, ۇزاق ٶمٸر, زور دەنساۋلىق, مٶلدٸر ماحاببات تٸلەيمٸن! – دەگەن دارحان ساتىبالدى قوعامعا ٶز ەڭبەگٸن سٸڭٸرٸپ جٷرگەن حانىمدار مەن ٸسكەر ارۋلارعا ماراپاتتارىن تابىستادى.
تٷركٸستان مۋزىكالىق دراما تەاترىندا ٶتكەن مەرەكەلٸك ٸس-شارا ماعىنالى ەرٸ مازمۇندى, شابىت پەن سەزٸمگە تولى كونتسەرتپەن ٶرنەكتەلدٸ. «كونگرەسس حولل» كٶپسالالى كەشەنٸنٸڭ «Jana lep» ۇجىمى «كٶكتەم ەنٸ» مۋزىكالىق - پوەتيكالىق قويىلىمىن ۇسىندى.
بۇل قويىلىمدا قازاق پوەزيياسىنىڭ كلاسسيكتەرٸ مەن قازٸرگٸ جاس اقىنداردىڭ ٶلەڭدەرٸ الما-كەزەك وقىلدى. سونىمەن قاتار قازاق ەنٸنٸڭ «التىن عاسىرىن» جاساعان كومپوزيتورلار مەن بٷگٸنگٸ جاس كومپوزيتورلاردىڭ ەندەرٸ شىرقالىپ, كومپوزيتسييالىق قويىلىم رەجيسسەرلٸك جەنە حورەوگرافييالىق شەشٸمدەر ارقىلى ٶرنەكتەلە تٷستٸ. ٶنەرپازدار كٶرەرمەندٸ انانى قۇرمەتتەۋ, ماحاباتتى ايالاي بٸلۋگە شاقىردى. تٷركٸستان ٶنەرپازدارى كٶكتەمدٸ, انانى, ارۋلاردى ەن مەن جىرعا قوستى.
بٷگٸندە تٷركٸستان ٶڭٸرٸندە كەسٸپكەرلٸك, بيزنەس سالاسىنداعى حانىمداردىڭ ٷلەسٸ جىل ساناپ ارتۋدا. وبلىس كٶلەمٸندە شامامەن 213 مىڭنان استام كەسٸپكەر بار. ونىڭ 68 000 مىڭى – قىز-كەلٸنشەكتەر. ياعني, شاعىن جەنە ورتا كەسٸپكەرلٸكتٸڭ 31 %-ىندا ٸسكەر حانىمدار باسشىلىق جاساپ جاتىر. قازٸرگٸ جاعداي بويىنشا تٷركٸستان وبلىسىنداعى ٸس باسىنداعى 5 مىڭنان اسا مەملەكەتتٸك قىزمەتشٸنٸڭ 27%-ىن نەزٸكجاندىلار قۇرايدى.
وسىلايشا, بەلسەندٸ ەرٸ ٸسكەر حانىمدارىمىز ەل ەكونوميكاسىنىڭ دامۋىنا دا ايتارلىقتاي ٷلەس قوسۋدا. سونىمەن بٸرگە قازاقتىڭ قايسار قىزدارى مەن ارداقتى انالارى بٸلٸم بەرۋ, مەديتسينا جەنە ٶزگە دە سالالاردا ابىرويلى ەڭبەك ەتٸپ جٷر.
