مەملەكەت باسشىسى «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا تۋعان جەردٸ دامىتۋعا ەربٸر ازامات ەڭبەك سٸڭٸرۋٸ تيٸس ەكەنٸن ايتقان-دى. وسىعان بايلانىستى, تٷركٸستان وبلىسىندا «التىن ۇيام» جوباسى قولعا الىنعان. بۇل جوبانىڭ ماقساتى – مەكتەپ تٷلەكتەرٸن ٶزدەرٸ وقىعان بٸلٸم وردالارىنا جەردەم بەرۋگە ٷندەۋ, تۋعان ٶلكەگە سٷيٸسپەنشٸلٸكتٸ ارتتىرۋ, ازاماتتاردى قايىرىمدىلىق جاساۋعا ىنتالاندىرۋ.
ٶڭٸردەگٸ «رۋحاني جاڭعىرۋ» جوبالىق كەڭسەسٸنٸڭ باستاماسىمەن بٷگٸندە تٷركٸستان وبلىسىندا تٷلەكتەر مەكتەپتەردٸڭ ماتەريالدىق-تەحنيكالىق بازاسىن جابدىقتاۋعا 9 ملن. 145 مىڭ تەڭگە كٶلەمٸندە دەمەۋشٸلٸك جاسادى.
سولاردىڭ بٸرقاتارىنا توقتالساق, بەيدٸبەك اۋدانىندا مەكتەپ تٷلەكتەرٸنٸڭ دەمەۋشٸلٸگٸمەن ل. ٶتەشوۆ اتىنداعى جالپى ورتا مەكتەپتە 1,6 ملن تەڭگەگە «تٷلەكتەر اللەياسى» مەن «ەستەلٸك كٸتاپشاسى» ورناتىلدى. مەكتەپ ۇجىمىنا 10 دومبىرا سىيعا تارتىلعان.
سونداي-اق ٶڭٸردە ق.سىپاتاەۆ اتىنداعى جالپى ورتا مەكتەپتە 1,2 ملن. تەڭگەگە «دوستار» اللەياسى, اباي اتىنداعى جالپى ورتا مەكتەپتە 1,2 ملن.تەڭگەگە كٸرەبەرٸس قاقپا ورناتىلعان.
«التىن ۇيام» جوباسى تەك بٸلٸم ۇيالارى مەن نىساندار سالۋمەن شەكتەلٸپ جاتقان جوق. جومارت جٷرەكتٸ مەكتەپ تٷلەكتەرٸ تۇرمىس جاعدايى ٶتە تٶمەن وتباسىلارعا باسپانا ەپەرۋدە. مەسەلەن, تٷلكٸباس اۋدانىنداعى اباي اتىنداعى مەكتەپ-ليتسەيٸنٸڭ 1998 جىلعى تٷلەكتەرٸ 20 جىلدىققا وراي باسپاناعا مۇقتاج تۇرعىنعا ٷي ەپەردٸ. كەلەسٸ جىلى دا «التىن ۇيام» جوباسى اياسىندا يگٸ ٸستەر جالعاسىن تابادى.
تٷركٸستان وبلىسى ەكٸمٸنٸڭ باسپاسٶز قىزمەتٸ
