تۇركىستان قالاسى مادەنيەت پەن رۋحانياتتىڭ ورتالىعىنا اينالىپ كەلەدى. سونىڭ دالەلىندەي، 5 جەلتوقساندا تۇركىستانداعى «كونگرەسس حولل» كوپسالالى كەشەنىندە كسرو-نىڭ جانە قازاقستاننىڭ حالىق ءارتىسى الىبەك دىنىشيەۆتىڭ مەرەيتويلىق كونسەرتى ءوتتى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

كوڭىلدى سەرگىتىپ، ءان الەمىنە جەتەلەگەن ونەر كەشىندە ءانشى قازاق جانە الەم كومپوزيتورلارىنىڭ كلاسسيكالىق اندەرىن شىرقادى. اتاپ ايتساق، حالىق اندەرىمەن قاتار اباي قۇنانباي ۇلى، جاياۋ مۇسا، تولەگەن مۇحامەدجانوۆتىڭ شىعارمالارى ورىندالدى. سونىمەن بىرگە ماتۆەي بلانتەر، ارنو بابادجانيان جانە وزگە دە اسا دارىندى ونەر يەلەرىنىڭ اۋەندەرىنەن شاشۋ شاشتى.

بيىل مەرەيلى 70 جاسقا تولعان الىبەك دىنىشيەۆ – قازاق ءان ونەرىن الەمدىك دەڭگەيدە تانىتقان تۇلعالاردىڭ ءبىرى. مەرەيتوي يەسى تۇركىستانداعى وڭ وزگەرىستەرگە جوعارى باعاسىن بەرىپ، ونەر كەشىنە ارنايى كەلگەن انسۇيەر قاۋىمعا ريزاشىلىعىن ءبىلدىردى.