"TURAN" ارنايى ەكونوميكالىق ايماعىندا "تۇركىستان ماقتا اگروونەركاسىپتىك كەشەنىنىڭ" قازىعى قاعىلدى. بۇگىن تۇركىستان وبلىسىنىڭ اكىمى دارحان ساتىبالدى مەن "تۇركىستان ماقتا اگروونەركاسىپتىك كەشەنى" ءجشس-نىڭ ديرەكتورى سيۋي سزە ماقتانى تەرەڭ وڭدەپ، دايىن ءونىمدى ەكسپورتقا شىعاراتىن كوپسالالى كەشەننىڭ كاپسۋلاسىن سالدى، - دەپ حابارلايدى Dalanews.kz.
ايماق باسشىسى بۇل جوبانىڭ الەۋمەتتىك ماڭىزدىلىعىن ايتا كەلە، ماقتا شارۋاشىلىعىن جاڭا دەڭگەيگە شىعاراتىن جاڭا باستاماعا ساتتىلىك تىلەدى.
كەلەر جىلى جۇزەگە اساتىن جوبانىڭ قۇنى 146،8 ملرد تەڭگەنى قۇرايدى. تولىق سيكلدى توقىما فابريكاسىنىڭ قۇرامىندا ءجىپ يىرەتىن، ماتا شىعاراتىن، بوياپ، وڭدەيتىن 11 سەح سالىنادى. 2000-نان اسا جاڭا جۇمىس ورنى اشىلادى. جوسپار بويىنشا جىلىنا 13000 توننا يىرىلگەن ءجىپ، ۇيگە ارنالعان 50 ميلليون مەتر توقىما بۇيىمدارىن، 7 ميلليون توسەك-ورىن جيىنتىعىن شىعارادى. ءوندىرىس ورنىنىڭ قۋاتتىلىعى جىل سايىن ارتىپ وتىرادى.
ماقتا-توقىما كلاستەرىن دامىتۋعا باعىتتالعان ءوندىرىس ورنىنىڭ قۇرىلىسىن Xinjiang Lihua Group Co.، LTD كومپانياسى قولعا الدى. كومپانيا الەمگە تانىمال "Louis Vuitton"، "Gucci" برەندتەرىمەن تىكەلەي جۇمىس ىستەيدى. الداعى ۋاقىتتا تۇركىستاندا شىعاراتىن جىپتەر مەن ماتالاردى ايگىلى برەندتەرگە ساتۋدى كوزدەپ وتىر.
تۇركىستان وبلىسى – ەلىمىزدە ماقتا وسىرەتىن جالعىز ءوڭىر. وبلىستا ماقتا-توقىما كلاستەرىن قۇرۋ بويىنشا اۋقىمدى جۇمىستار جۇرگىزىلۋدە. بۇگىندە ءشيتتى ماقتانى ساتۋدان بولەك، ماقتا تالشىعىن تەرەڭ قايتا وڭدەۋگە باسىمدىق بەرىلۋدە. ەلىمىزدە باسەكەگە قابىلەتتى توقىما جانە تىگىن ونەركاسىبى دامىماعاندىقتان، ءشيتتى ماقتانى ساتۋ باعاسى ەكسپورت نارىعىنا تاۋەلدى بولىپ وتىر.
وزەكتى ماسەلەنى شەشۋ ءۇشىن وبلىس اكىمىنىڭ تاپسىرماسىمەن وتكەن جىلى "ماقتا شارۋاشىلىعىن دامىتۋدىڭ جانە ماقتا-توقىما كلاستەرىن قولداۋدىڭ 2027 جىلعا دەيىنگى وڭىرلىك جول كارتاسى" بەكىتىلدى. وعان سايكەس 4 باعىتتا، ەگىستىكتى ءارتاراپتاندىرۋ، تۇقىممەن قامتاماسىز ەتۋ، جاڭا تەحنولوگيالاردى ەنگىزۋ، ماقتا كلاستەرىن قۇرۋ بويىنشا اۋقىمدى جۇمىس جۇرگىزىلەدى. ناتيجەسىندە 2027 جىلعا دەيىن 9 ماقتا كلاستەرىن قۇرۋ كوزدەلگەن. ناتيجەسىندە ماقتا باعاسىنا تاۋەلدىلىك جويىلماق.
تۇركىستان وبلىسىندا جىلدا 100 مىڭ گەكتارعا ماقتا داقىلى ەگىلىپ، 300 مىڭ توننادان استام ءونىم جينالادى. وڭىردە ەگىستىكتى ءارتاراپتاندىرۋدا ونىمدىلىكتى جاڭا تەحنولوگيالار ەسەبىنەن ۇلعايتۋعا باسىمدىلىق بەرىلۋدە. وسى ماقساتتا جۇڭگو تاجىريبەسى نەگىزىندە بيىل ارىس قالاسى جانە جەتىساي، ساۋران، ورداباسى اۋداندارىندا 2،5 گەكتار القاپقا ەليتالى سورتتى ماقتا ەگىلدى. بۇل تەحنولوگيا سۋدى، ەنەرگيانى، ەڭبەك رەسۋرستارىن جانە مينەرالدى تىڭايتقىشتاردى ۇنەمدەي وتىرىپ، گەكتارىنان 60-65 سەنتنەردەن ءونىم الۋعا مۇمكىندىك بەرەدى. بۇل وبلىستىڭ ورتاشا كورسەتكىشىنەن 2،5 ەسەگە جوعارى. شارۋالاردىڭ ايتۋىنشا، ناتيجەسى تاڭعالارلىقتاي.
ماقتا-توقىما كلاستەرىن دامىتۋ ماقساتىندا 2023 جىلى ماقتاارال اۋدانىندا "Cotton ماقتا" ج ش س ماقتا وڭدەۋ زاۋىتى جوباسى جۇزەگە اسىرىلدى. زامانۋي قىتايلىق تەحنولوگيامەن جابدىقتالعان ماقتا وڭدەۋ زاۋىتى وتكەن جىلى 40 مىڭ توننا ءشيتتى ماقتانى قابىلدادى. بۇدان بولەك، وبلىستا جۇڭگو جانە وزبەكستان ينۆەستورلارىنىڭ قاتىسۋىمەن 223،5 ملرد. تەڭگەنى قۇرايتىن 2 ينۆەستيسيالىق جوبا جۇزەگە اسىرىلۋدا.
ايتا كەتەيىك، تۇركىستان قالاسىنىڭ ينۆەستيسيالىق الەۋەتىن جوعارىلاتۋ ماقساتىندا 2018 جىلعى قۇرىلعان "TURAN" ارنايى ەكونوميكالىق ايماعىنىڭ اۋماعى – 3987،39 گەكتار، 6 قوسالقى ايماقتان تۇرادى.
بۇگىنگى تاڭدا "TURAN" اەا ينۆەستيسيالىق پورتفەلى جالپى قۇنى 530،085 ملرد. تەڭگەنى قۇرايتىن 129 جوبادان تۇرادى. ونىڭ ىشىندە 214،55 ملرد. تەڭگەگە 28 جوبا ىسكە اسىرىلدى. بۇگىندە 353،87 ملرد. تەڭگەگە 95 جوبا ىسكە اسىرىلۋدا. ودان بولەك، "TURAN" اەا ونەركاسىپتىك سۋبزونالارىنىڭ اۋماعىندا 41،083 ملرد. تەڭگەگە قاتىسۋشىلار رەتىندە 13 ونەركاسىپتىك جوبا تىركەلدى. اتاپ ايتقاندا، "BASPOLYMER" ج ش س، "تۋران جول" ج ش س، "Gesso Tech" ج ش س، "QazEcoPack" ج ش س، "PSI Mineral Technologies" ج ش س، "پانەل سيستەم كزت" ج ش س، "Exclusive Stroy Montazh" ج ش س، "تۋركەستانتەميربەتون" ج ش س، "Kentau Red Star" ج ش س، "التىن دالا ماقتا" ج ش س، "منوگوپروفيلنىي كەنتاۋسكيي زاۆود" ج ش س، "ER-QAN" ج ش س، "Sayat Technology" ج ش س.
بۇل ايماقتا 6 مىڭ تۇراقتى جۇمىس ورنى اشىلدى. بارلىق جوبالار ىسكە قوسىلعاندا 7 221 جاڭا جۇمىس ورنى قۇرىلادى. سونداي-اق قازىرگى ۋاقىتتا 2،5 مىڭ جۇمىس ورنىن قۇرايتىن، جالپى سوماسى 175،72 ملرد. تەڭگەنىڭ 13 ينۆەستيسيالىق جوباسى پىسىقتالۋدا.
"TURAN" اەا قاتىسۋشىلارى جەر جانە مۇلىك سالىعىنان، يمپورتقا كەدەندىك باجداردان، كورپوراتيۆتىك تابىس سالىعىنان، جەردى جالعا الۋ تولەمىنەن، قوسىلعان قۇنعا سالىناتىن سالىقتان بوساتىلادى.
