ماسەلەن، اعىمداعى جىلدىڭ جەلتوقسان ايىندا تۇركىستان قالاسىنىڭ قوعامدىق كولىكتەرىندە ەلەكتروندى بيلەتتەۋ جۇيەسى جۇمىسىن باستايدى.
سونىمەن قاتار، وبلىس ورتالىعىنداعى وتىرار شاعىن اۋدانىندا كوپ پاتەرلى 10 ءۇيدى قامتيتىن «اقىلدى كۆارتال» جوباسىن جۇزەگە اسىرۋ بويىنشا بەلسەندى جۇمىستار جۇرگىزىلىپ جاتىر. بۇل تۋرالى تۇركىستان وبلىسىنىڭ وڭىرلىك كوممۋنيكاسيالار قىزمەتىندە وتكەن بريفينگتە تۇركىستان وبلىسىنىڭ سيفرلاندىرۋ ورتالىعىنىڭ باسشىسى اسىلبەك جانعۇلوۆ مالىمدەدى.
سونداي-اق، وبلىستاعى ىىد-مەن بىرىگىپ قاۋىپسىزدىك پەن بەينەباقىلاۋدى قامتاماسىز ەتۋ بويىنشا بىرنەشە جوبالار جۇزەگە اسىرىلۋدا. اعىمداعى جىلدىڭ سوڭىنا دەيىن وبلىستىق تجد ءۇشىن «112 قىزمەتى» اۆتوماتتاندىرىلعان جۇيەسىن پايدالانۋعا ەنگىزۋ كوزدەلىپ وتىر.
«سيفرلاندىرۋ جوبالارىن ۇيلەستىرۋدى، ساراپتامالىق قولداۋدى جانە ءوزارا ىقپالداستىرۋدى قامتاماسىز ەتۋ ءۇشىن تۇركىستان وبلىسى اكىمدىگى «تۇركىستان» اكك» اق بازاسىندا 2018 جىلى قازان ايىندا سيفرلاندىرۋ ورتالىعىن قۇردى. قازىرگى ۋاقىتتا سيفرلاندىرۋ ورتالىعى سيفرلىق قازاقستان مەملەكەتتىك باعدارلاماسىن جۇزەگە اسىرۋ شەڭبەرىندە 15-تەن استام حالىقارالىق جانە قازاقستاندىق IT كومپانيالارمەن ىنتىماقتاستىق تۋرالى مەموراندۋمدارعا قول قويدى. اتقارىلعان ءىس-شارالار تۇركىستان وبلىسىنا سالىناتىن ينۆەستيسيا كولەمىن 30 ملن. اقش دوللارىنا جەتۋىنە جانە IT-ماماندار ءۇشىن قوسىمشا جۇمىس ورىندارىنىڭ اشىلۋىنا سەپتىگىن تيگىزەدى دەپ كۇتىلۋدە»، - دەدى اسىلبەك اسپانديار ۇلى.
