بۇگىن وبلىستىق پروكۋراتۋرا مەن تۇركىستان قالاسى اكىمدىگىنىڭ بىرلەسكەن ماجىلىسىندە «تۇركىستان – ءقاۋىپسىز قالا» باعدارلاماسىن تولىقتاي قارالىپ، بەكىتىلدى. وبلىس پروكۋراتۋراسىنىڭ تاراپىنا بەرىلگەن باعدارلاما ءبىر ايعا جۋىق ۋاقىت ارالىعىندا قالا اكىمدىگىندە بىرنەشە رەت تالقىلانىپ، ۇسىنىستار ەنگىزىلگەن بولاتىن.
تۇركىستان وبلىسىنىڭ پروكۋرورى ن.ءابدىروۆتىڭ توراعالىعىمەن وتكىزىلگەن بۇل ماجىلىستە ءسوز العان قالا اكىمى ءا.وسەربايەۆ «تۇركىستان – ءقاۋىپسىز قالا» باعدارلاماسىنىڭ باعىتتارى مەن ماڭىزدىلىعىنا كەڭىرەك توقتالىپ، «قالا تۇرعىندارى مەن قوناقتارىنىڭ قاۋىپسىزدىگى دەڭگەيىن ارتتىرۋ، سونداي-اق قىلمىستار سانىن بارىنشا ازايتۋدى ماقسات ەتكەن بۇل باعدارلاما قالانىڭ تىرشىلىك قىزمەتىن تالداۋ بويىنشا وپەراسيالاردىڭ باسىم بولىگىن اۆتوماتتاندىرۋعا، قالا تۇرعىندارىنىڭ ءومىر ءسۇرۋ ساپاسىن جانە ولاردىڭ قالالىق قىزمەتتەردىڭ جۇمىسىنا قاناعاتتانۋىن ارتتىراتىنى ءسوزسىز» دەي كەلە، قالا قاۋىپسىزدىگىنە قاتىستى ءوز تاراپىنان ءبىرقاتار ۇسىنىستارى مەن پىكىرلەرىن ءبىلدىردى.
ماجىلىسكە وبلىس پروكۋراتۋراسىنىڭ قىزمەتكەرلەرى، قالالىق قۇقىق قورعاۋ ورگاندارىنىڭ قىزمەتكەرلەرى جانە قالا اكىمدىگىنىڭ دەربەس ءبولىم باسشىلارى، ءتيىستى ماماندارى قاتىستى.
الداعى ۋاقىتتا بەكىتىلگەن باعدارلاماداعى جوبالاردى جۇزەگە اسىرۋ بويىنشا ءتيىستى مەكەمەلەرگە جاۋاپتىلىعىنا قاراي بەرىلەتىن بولاتىن. ال بۇل باعدارلامانىڭ جۇزەگە اسىرىلۋى ۇلتارالىق قاقتىعىستاردىڭ تۋىنداۋ سەبەپتەرىن تالداۋ، الەۋمەتتىك جەلىلەرگە مونيتورينگ جۇرگىزىپ، ەكسترەميزم مەن تەرروريزم ءقاۋىپى بار سايتتاردى انىقتاۋ، مەملەكەتتىك قىزمەتكەرلەردىڭ بىلىكتىلىك تالاپتارىن ارتتىرۋ، توتەنشە جاعدايلار سالاسىندا تالداۋ جۇرگىزۋ، ادامدار كوپ شوعىرلاناتىن جەرلەردە توتەنشە جاعدايلاردىڭ الدىن الۋ بويىنشا پروفيلاكتيكالىق شارالاردى جۇرگىزۋدە ماڭىزدىلىعىن كورسەتىپ وتىر.
Dalanews.kz
