العاشقى ماسەلە بويىنشا قالا اكىمى الىپبەك وسەربايەۆ قالاداعى بارلىق الەۋمەتتىك نىساندارداعى جىلۋ جۇيەلەرىنىڭ دايىندىعى، ورتالىق جىلۋ قازاندىعىنىڭ جىلۋ بەرۋ ماۋسىمىنا ازىرلىگى جونىندە جان-جاقتى تالقىعا سالدى.
سونداي-اق، وسى باعىتتا جاۋاپتى سالا باسشىلارىنا ناقتى تاپسىرمالار بەرىپ، قىس مەزگىلىندە تەحنيكالىق اقاۋلارعا جول بەرمەۋدى وسى كۇننەن پىسىقتاۋعا شاقىردى. ءوز كەزەگىندە اتالمىش ماسەلە بويىنشا بايانداما جاساعان قالالىق تۇرعىن ۇي-كوممۋنالدىق شارۋاشىلىق ءبولىمىنىڭ باسشىسى ا.اسانوۆقا جىلۋ بەرۋ باعىتىنداعى بارلىق ماسەلەلەردى قاتاڭ باقىلاۋدا ۇستاۋدى تاپسىرسا، وعان قوسا اكىمدىك جانىنان ارنايى كوميسسيا قۇرىپ، شاھارداعى ءتيىستى مەكەمەلەر مەن تۇرعىن ۇيلەردىڭ قىسقى ماۋسىمعا دايىندىعىن قاداعالاۋدى ۇسىندى.
كۇن تارتىبىندەگى جاڭا اكىمشىلىك ىسكەرلىك ورتالىعى جانە تاريحي ورتالىقتاعى جەر تەلىمدەرىن قايتارۋ تۋرالى ەكىنشى ماسەلە بويىنشا بايانداما جاساعان قالا اكىمىنىڭ ورىنباسارى ت.مۇسايەۆ ق.ا.ياساۋي كەسەنەسىنىڭ قارسى الدىنداعى تۇرعىن ۇيلەردى باعالاۋ جۇمىستارى جىل سوڭىنا دەيىن قايتا پىسىقتالىپ، 2019 جىلى مەملەكەتتىك قاجەتتىلىككە وراي قايتارۋ جونىندە ناقتى شارالار جۇرگىزىلەتىندىگىن جەتكىزدى. سونىمەن بىرگە، جوسپارعا ساي اتالعان كەسەنە ماڭىنداعى وزگە دە تۇگەندەلۋى ءتيىس جەر تەلىمدەرى مەن نىسانداردىڭ ءتىزىمى جاساقتالىپ، ول بويىنشا جوسپارلى شارالاردىڭ جالعاسا بەرەتىندىگىن تىلگە تيەك ەتتى. قالا باسشىسى بۇل باعىتتا اتقارىلىپ جاتقان جۇمىستاردىڭ العاشقى كەزەڭىن ءوز مەرزىمىندە ىسكە اسىرۋ قاجەتتىگىن ءجىتى باقىلاۋدا ۇستايتىندىعىن ەسكەرتىپ، جۇمىس بارىسىندا كەمشىلىكتەرگە بوي الدىرماۋدى باسا ايتتى. سەبەبى، جەردى تۇگەندەۋ ياعني، مەملەكەت مەنشىگىنە الىناتىن جەر تەلىمدەرى مەن تۇرعىن ۇيلەردىڭ ارتىندا ادام تاعدىرى تۇرعاندىعىن ءسوز ەتكەن قالا اكىمى ءا.وسەربايەۆ جاۋاپتى تۇلعالارعا ءاربىر ىسكەجاۋاپكەرشىلىكپەن قاراۋدى تاپسىردى.
