ورداباسى اۋدانىندا تۇرعىنداردى گازبەن قامتۋ جۇمىستارى كەزەڭ-كەزەڭٸمەن جٷزەگە اسۋدا. بٷگٸن شۇبار اۋىلدىق وكرۋگٸنە قاراستى توقسانساي, بەرەكە, سارىتوعاي اۋىلدارىندا «كٶگٸلدٸر وتىن» بەرۋ رەسٸمٸ ٶتتٸ, – دەپ حابارلايدى Dalanews.kz
اۋىل جۇرتىن قۋانتقان سالتاناتتى رەسٸمگە اۋدان ەكٸمٸ ازات ورالباەۆ پەن وبلىستىق مەسليحات دەپۋتاتى دۋلات ەبٸش ارنايى بارىپ تۇرعىنداردى قۇتتىقتادى.
اۋدان باسشىسى جۇرتشىلىقتى قۇتتىقتاي وتىرىپ, وسى نەتيجەلٸ جۇمىستىڭ جٷزەگە اسۋىنا وبلىس باسشىلىعى مەن وبلىستىق مەسليحات دەپۋتاتتارىنىڭ ٷلكەن قولداۋ كٶرسەتكەنٸن ەرەكشە اتاپ ٶتتٸ. وبلىستىق مەسليحات دەپۋتاتى دۋلات ەبٸش بۇل يگٸلٸكتٸ ٸستٸڭ مەملەكەت باسشىسىنىڭ تاپسىرماسىمەن اتقارىلىپ وتىرعانىن ايتىپ, اۋىل حالقىنا اقجارما لەبٸزٸن ارنادى. ٶز كەزەگٸندە اۋىل جۇرتى بۇل يگٸلٸككە زور ريزاشىلىعىن بٸلدٸرٸپ, ەل ٷشٸن ەڭبەك ەتٸپ جٷرگەن ازاماتتارعا اق باتاسىن بەردٸ.
ايتا كەتسەك, اۋدان بويىنشا 25 ەلدٸ-مەكەندٸ گازبەن قامتاماسىز ەتۋ ٷشٸن مەملەكەتتٸك بيۋدجەتتەن 2021 جىلى تيٸستٸ قارجى قارالىپ, قۇرىلىس جۇمىستارى باستالعان. سوڭعى 2 جىل ٸشٸندە اۋدان ەكٸمٸنٸڭ ٷيلەستٸرۋٸ مەن باقىلاۋىنىڭ نەتيجەسٸندە اۋدان تۇرعىندارىن تولىق تابيعي گازبەن قامتاماسىز ەتۋ باعىتىندا ناقتى ەرٸ جٷيەلٸ جۇمىستار اتقارىلدى. نەتيجەسٸندە قازٸرگٸ تاڭدا اۋدان بويىنشا 57 ەلدٸ-مەكەننٸڭ 36-سى تابيعي گازعا قوسىلىپ, جالپى كٶرسەتكٸش 2 جىلدىڭ ٸشٸندە 15,7 پايىزدان 63,1 پايىزعا ٶسٸپ وتىر.
كەلەسٸ كەزەكتە شۇبارسۋ اۋىلىن گازبەن قامتۋ مٸندەتٸ تۇر. بيىل اۋىلعا گاز جەتكٸزۋشٸ قۇبىردىڭ قۇرىلىسىنا باستاپقى قارجى قارالىپ, جۇمىستار باستالادى. ودان بٶلەك, باسقا دا ەلدٸ-مەكەندەردە تيٸستٸ جۇمىستار اتقارىلىپ, 2 جىل كٶلەمٸندە اۋدانىمىز تولىق گازبەن قامتىلادى دەپ كٷتٸلۋدە.
ەندٸگٸ كەزەكتە, تابيعي گاز قوسىلعان اۋىل تۇرعىندارى ٶز ٷيلەرٸنە گاز قوسۋ جۇمىستارىن جٷرگٸزۋٸ تيٸس. اۋدان باسشىسى اۋىل وركرۋگتەرٸنٸڭ ەكٸمدٸكتەرٸنە بۇل جۇمىستارعا تيٸستٸ قولداۋ كٶرسەتۋدٸ تاپسىردى.
