ٶتكەن جىلدىڭ قورىتىندىسى بويىنشا 20 كٶرسەتكٸشتٸڭ 18-ٸ بويىنشا جوعارى نەتيجەگە قول جەتكٸزگەن. سونىمەن قاتار ٶڭٸردٸڭ دەنساۋلىق ساقتاۋ سالاسىنا 13,7 ملرد تەڭگە باعىتتالىپتى. 2020 جىلعا ارنالعان مەملەكەتتٸك باعدارلامالار تٶرت نىسانالى ينديكاتورعا, ياعني مٸندەتتەرگە باعىتتالعان. ولار: ازاماتتاردىڭ ورتاشا ٶمٸر سٷرۋ ۇزاقتىعىن 73,21 جاسقا دەيٸن ارتتىرۋ, جٷرەك-قان تامىرى, ونكولوگييالىق, سوزىلمالى رەسپيراتورلىق اۋرۋلاردان جەنە قانت ديابەتٸنەن مەزگٸلسٸز قايتىس بولعاندار سانىن 18,86%-عا دەيٸن تٶمەندەتۋ, انا ٶلٸمٸن 17,1%-عا دەيٸن ازايتۋ, 1 مىڭ تٸرٸ تۋعانعا شاققانداعى نەرەستە ٶلٸمٸن 10,1%-عا دەيٸن تٶمەندەتۋ.
وبلىس ەكٸمٸ ٶمٸرزاق شٶكەەۆتٸڭ قولداۋىمەن ٶڭٸردەگٸ مەديتسينا سالاسىن دامىتۋعا بارىنشا كٷش سالىنعان. تٷركٸستان وبلىستىق قوعامدىق دەنساۋلىق باسقارماسى باسشىسى مارات پاشيموۆتىڭ ايتۋىنشا, ەڭ بٸرٸنشٸ كەزەكتە انا مەن بالا ساۋلىعى, جانساقتاۋ جەنە وتا جاساۋ مەن جەدەل جەردەم قىزمەتٸن كٷشەيتۋگە باسىمدىق بەرٸلگەن.
مەديتسينالىق ۇيىمداردىڭ ماتەريالدىق-تەحنيكالىق بازاسىن جابدىقتاۋ ماقساتىندا 2,5 ملرد. تەڭگەگە 205 دانا مەديتسينالىق تەحنيكا ساتىپ الىنعان. مەملەكەتتٸك-جەكەشەلٸك ەرٸپتەستٸك تەتٸگٸ ارقىلى 9 فەلدشەرلٸك امبۋلاتورييانىڭ قۇرىلىسى جٷرگٸزٸلٸپ, ونىڭ 5-ۋٸ پايدالانۋعا بەرٸلسە, بيىل تٶرتەۋٸ اشىلادى.
وبلىس بويىنشا 100% ەلەكتروندىق دەنساۋلىق پاسپورتتارى جاساقتالدى. 400 مىڭعا جۋىق ادام موبيلدٸ قوسىمشاسىن پايدالانادى. جىل سوڭىندا 10,5 مىڭنان استام تٷركٸستاندىق دەرٸگەردٸڭ قابىلداۋىنا جازىلعان.
