ۆيدەودا "بوشكەنىڭ ىشىنەن كوروناۆيرۋستى قوزدىراتىن ءدارى شاشىپ جاتىر دەپ ويلايمىن. شەگىرتكەگە قارسى شاشىپ جاتىرمىز دەيدى، شەگىرتكەگە ءدارىنى وعان قانات بىتپەي جاتىپ شاشادى. اۋىرىپ قالماڭىزدار، اباي بولىڭىزدار" دەيدى اۆتور.
بۇل فەيك اقپاراتتىڭ اۆتورى - ەر ادامدى پوليسيا ۇستادى.
تۇركىستان وبلىسى پوليسيا دەپارتامەنتىنىڭ قىزمەتكەرلەرى كوروناۆيرۋستى قوزدىراتىن زات شاشاتىن ۇشاقتار تۋرالى ۆيدەو اۆتورىن انىقتاپ، ۇستادى. ول ورداباسى اۋدانىنىڭ تۇرعىنى، ءوزىنىڭ قىلىعى ءۇشىن كوپتەن كەشىرىم سۇراپ، جالعان اقپارات تاراتقانىن مويىندادى.
بۇعان قاراماستان، وعان قاتىستى ق ر قك-نىڭ 247-بابى، "كورىنەۋ جالعان اقپارات تاراتۋ" بويىنشا سوتقا دەيىنگى تەرگەۋ باستالدى.
وعان 1000 اەك (2 917 000 تەڭگە) دەيىن ايىپپۇل، ءبىر جىلعا دەيىنگى مەرزىمگە باس بوستاندىعىن شەكتەۋ نەمەسە ايىرۋ نەمەسە تۇزەۋ جۇمىستارى جازاسى قولدانىلۋى مۇمكىن، دەلىنگەن stopfake.kz حابارلاماسىندا.
شىن مانىندە، ۆيدەوداعى ۇشاقتار شىمكەنت قالاسىنىڭ تۇرعىنىنا تيەسىلى. ول تۇركىستان وبلىسىندا جالعا الىپ جاتقان ەگىستىكتى تىڭايتقىش سەبۋدى ۇيعارعان.
