Videoda "Bóshkeniń ishinen koronavirýsty qozdyratyn dári shashyp jatyr dep oilaimyn. Shegirtkege qarsy shashyp jatyrmyz deidi, shegirtkege dárini oǵan qanat bitpei jatyp shashady. Aýyryp qalmańyzdar, abai bolyńyzdar" deidi avtor.
Bul feik aqparattyń avtory - er adamdy politsiia ustady.
Túrkistan oblysy politsiia departamentiniń qyzmetkerleri koronavirýsty qozdyratyn zat shashatyn ushaqtar týraly video avtoryn anyqtap, ustady. Ol Ordabasy aýdanynyń turǵyny, óziniń qylyǵy úshin kópten keshirim surap, jalǵan aqparat taratqanyn moiyndady.
Buǵan qaramastan, oǵan qatysty QR QK-niń 247-baby, "Kórineý jalǵan aqparat taratý" boiynsha sotqa deiingi tergeý bastaldy.
Oǵan 1000 AEK (2 917 000 teńge) deiin aiyppul, bir jylǵa deiingi merzimge bas bostandyǵyn shekteý nemese aiyrý nemese túzeý jumystary jazasy qoldanylýy múmkin, delingen stopfake.kz habarlamasynda.
Shyn máninde, videodaǵy ushaqtar Shymkent qalasynyń turǵynyna tiesili. Ol Túrkistan oblysynda jalǵa alyp jatqan egistikti tyńaitqysh sebýdi uiǵarǵan.
