تٷركٸستان وبلىسىندا تۋريزم مەن تۇرعىن ٷي ينفراقۇرىلىمىن دامىتۋعا باعىتتالعان جاڭا بٸرەگەي ينۆەستيتسييالىق جوبا ٸسكە اسىرىلا باستادى. وبلىس ەكٸمدٸگٸ مەن قىتاي حالىق رەسپۋبليكاسىنىڭ ٸرٸ ٶندٸرٸستٸك كومپانييالارىنىڭ بٸرٸ — «Shandong Kamoya Smart Culture and Tourism Technology Co., Ltd.» اراسىندا ٶزارا تيٸمدٸ سەرٸكتەستٸك ورنادى,- دەپ حابارلايدى Dalanews.kz
تٷركٸستان وبلىسىنىڭ ەكٸمٸ نۇرالحان كٶشەروۆ باستاعان ٶڭٸر دەلەگاتسيياسى قحر-داعى ليني قالاسىنا ساپار جاساپ, «Shandong Kamoya» زاۋىتىنىڭ جۇمىسىمەن, ٶندٸرٸستٸك قۋاتىمەن جەنە يننوۆاتسييالىق شەشٸمدەرٸمەن تانىستى. قازٸرگٸ ۋاقىتتا بۇل زاۋىت «KHAN TAU» برەندٸمەن كاپسۋلالى ٷيلەر شىعارۋدا. ەندٸ وسى تەحنولوگييالار تٷركٸستاندا ٶندٸرٸلەتٸن بولادى.
بىلتىر جەلتوقساندا تٷركٸستان وبلىسى دەلەگاتسيياسىنىڭ قىتايعا جاساعان رەسمي ساپارى اياسىندا باستالعان كەلٸسسٶزدەر نەتيجەسٸندە تاراپتار بٸرلەسكەن ٶندٸرٸستٸ ۇيىمداستىرۋعا ۋاعدالاستى. 2025 جىلدىڭ قاڭتارىندا قىتايلىق سەرٸكتەستەر تٷركٸستان وبلىسىنا ارنايى كەلٸپ, ٶڭٸردٸڭ ينۆەستيتسييالىق ەلەۋەتٸمەن تانىستى. قازٸرگٸ تاڭدا «BNK GROUP LTD» جشس مەن «Shandong Kamoya Smart Culture and Tourism Technology Co., Ltd.» اراسىندا كاپسۋلالى ٷيلەردٸ تٷركٸستاندا جيناۋ جەنە ٶندٸرۋ بويىنشا كەلٸسٸم جاسالىپ, العاشقى ٷيلەر دايىندالدى. ولار جاقىن ارادا ٶڭٸردەگٸ «KHAN TAU» دەمالىس ايماعىنا جٶنەلتٸلەدٸ.
كاپسۋلالى ٷي — بۇل جاڭا بۋىنداعى مودۋلدٸك قۇرىلىس ٷلگٸسٸ. «Shandong Kamoya» كومپانيياسىنىڭ «Camoya عارىش كاپسۋلاسى» جوعارى ساناتتاعى كەمپينگتەرگە, قوناقٷيلەرگە جەنە گلەمپينگكە ارنالعان زاماناۋي شەشٸم رەتٸندە ەزٸرلەنگەن. ول كەمپەر, ميني-قوناقٷي جەنە مودۋلدٸك ٷيدٸڭ فۋنكتسييالارىن بٸرٸكتٸرەدٸ. مۇنداي ٷيلەرگە جەر تەلٸمٸن رەسٸمدەۋدٸڭ قاجەتٸ جوق, قۇرىلىس ەكولوگييالىق تازا جەنە ەنەرگييا ٷنەمدەيتٸن پرينتسيپتەرگە نەگٸزدەلگەن. كاپسۋلا ٸشكٸ جابدىقتارىنا كەلسەك, پانورامالىق تەرەزەلەر, جاتىن جەنە تۇرعىن ايماقتار, تولىققاندى اس ٷي مەن سانيتارلىق توراپپەن قامتىلعان. سونىمەن بٸرگە «اقىلدى ٷي» جٷيەسٸ, كونديتسيونەر, مۋلتيمەديا جابدىقتارى جەنە تاعى باسقا جايۋدىقتارمەن جابدىقتالعان. مۇنداي عيماراتتاردى تۋريستٸك كەشەندەر مەن گلەمپينگتەر, مودۋلدٸك كەڭسەلەر مەن موبيلدٸ ٷيلەر, كٶرمە پاۆيلوندارى, دالا زەرتحانالارى, قوناقٷيلەرگە پايدالانۋعا بولادى. 50 جىلعا دەيٸن قىزمەت ەتۋگە جارامدى.
— تٷركٸستان وبلىسىندا تۋريزم مەن تۇرعىن ٷي ينفراقۇرىلىمىن جاڭعىرتۋ باعىتىندا مۇنداي تەحنولوگييالاردىڭ ماڭىزى زور. بٸز سٸزدەرمەن ناقتى جوبالاردى بٸرلەسە جٷزەگە اسىرۋعا دايىنبىز. وسى ارقىلى ٶڭٸردٸڭ ٶندٸرٸستٸك, تۋريستٸك, ينفراقۇرىلىمدىق ەلەۋەتٸن كٶتەرۋگە كٷش سالامىز, — دەدٸ وبلىس ەكٸمٸ نۇرالحان كٶشەروۆ.
كەزدەسۋ سوڭىندا دەلەگاتسييا ٶكٸلدەرٸ كومپانييا باسشىلىعىنا جىلى قابىلداۋى مەن تەجٸريبە الماسۋعا مٷمكٸندٸك جاساعانى ٷشٸن العىس ايتتى.
شاندۋن — قىتايدىڭ سولتٷستٸك-شىعىسىنداعى تاريحي جەنە ەكونوميكالىق ەلەۋەتٸ زور ايماق. 2023 جىلعى كٶرسەتكٸش بويىنشا ٶڭٸردٸڭ جالپى ٶڭٸرلٸك ٶنٸمٸ (جٶٶ) 9 تريلليون يۋاننان اسىپ ($1,3 تريلليون), ەل بويىنشا العاشقى ٷشتٸككە ەندٸ. بۇل ٶڭٸردٸڭ عىلىم, ەكسپورت, ٶندٸرٸس, كٶلٸك ينفراقۇرىلىمى سالالارىنداعى قارقىندى دامىعانىن كٶرسەتەدٸ.
