Túrkistan oblysynda týrizm men turǵyn úi infraqurylymyn damytýǵa baǵyttalǵan jańa biregei investitsiialyq joba iske asyryla bastady. Oblys ákimdigi men Qytai Halyq Respýblikasynyń iri óndiristik kompaniialarynyń biri — «Shandong Kamoya Smart Culture and Tourism Technology Co., Ltd.» arasynda ózara tiimdi seriktestik ornady,- dep habarlaidy Dalanews.kz
Túrkistan oblysynyń ákimi Nuralhan Kósherov bastaǵan óńir delegatsiiasy QHR-daǵy Lini qalasyna sapar jasap, «Shandong Kamoya» zaýytynyń jumysymen, óndiristik qýatymen jáne innovatsiialyq sheshimderimen tanysty. Qazirgi ýaqytta bul zaýyt «KHAN TAU» brendimen kapsýlaly úiler shyǵarýda. Endi osy tehnologiialar Túrkistanda óndiriletin bolady.
Byltyr jeltoqsanda Túrkistan oblysy delegatsiiasynyń Qytaiǵa jasaǵan resmi sapary aiasynda bastalǵan kelissózder nátijesinde taraptar birlesken óndiristi uiymdastyrýǵa ýaǵdalasty. 2025 jyldyń qańtarynda qytailyq seriktester Túrkistan oblysyna arnaiy kelip, óńirdiń investitsiialyq áleýetimen tanysty. Qazirgi tańda «BNK GROUP LTD» JShS men «Shandong Kamoya Smart Culture and Tourism Technology Co., Ltd.» arasynda kapsýlaly úilerdi Túrkistanda jinaý jáne óndirý boiynsha kelisim jasalyp, alǵashqy úiler daiyndaldy. Olar jaqyn arada óńirdegi «KHAN TAU» demalys aimaǵyna jóneltiledi.
Kapsýlaly úi — bul jańa býyndaǵy modýldik qurylys úlgisi. «Shandong Kamoya» kompaniiasynyń «Camoya ǵarysh kapsýlasy» joǵary sanattaǵy kempingterge, qonaqúilerge jáne glempingke arnalǵan zamanaýi sheshim retinde ázirlengen. Ol kemper, mini-qonaqúi jáne modýldik úidiń fýnktsiialaryn biriktiredi. Mundai úilerge jer telimin rásimdeýdiń qajeti joq, qurylys ekologiialyq taza jáne energiia únemdeitin printsipterge negizdelgen. Kapsýla ishki jabdyqtaryna kelsek, panoramalyq terezeler, jatyn jáne turǵyn aimaqtar, tolyqqandy as úi men sanitarlyq torappen qamtylǵan. Sonymen birge «aqyldy úi» júiesi, konditsioner, mýltimedia jabdyqtary jáne taǵy basqa jaiýdyqtarmen jabdyqtalǵan. Mundai ǵimarattardy týristik keshender men glempingter, modýldik keńseler men mobildi úiler, kórme pavilondary, dala zerthanalary, qonaqúilerge paidalanýǵa bolady. 50 jylǵa deiin qyzmet etýge jaramdy.
— Túrkistan oblysynda týrizm men turǵyn úi infraqurylymyn jańǵyrtý baǵytynda mundai tehnologiialardyń mańyzy zor. Biz sizdermen naqty jobalardy birlese júzege asyrýǵa daiynbyz. Osy arqyly óńirdiń óndiristik, týristik, infraqurylymdyq áleýetin kóterýge kúsh salamyz, — dedi oblys ákimi Nuralhan Kósherov.
Kezdesý sońynda delegatsiia ókilderi kompaniia basshylyǵyna jyly qabyldaýy men tájiribe almasýǵa múmkindik jasaǵany úshin alǵys aitty.
Shandýn — Qytaidyń soltústik-shyǵysyndaǵy tarihi jáne ekonomikalyq áleýeti zor aimaq. 2023 jylǵy kórsetkish boiynsha óńirdiń jalpy óńirlik ónimi (JÓÓ) 9 trillion iýannan asyp ($1,3 trillion), el boiynsha alǵashqy úshtikke endi. Bul óńirdiń ǵylym, eksport, óndiris, kólik infraqurylymy salalaryndaǵy qarqyndy damyǵanyn kórsetedi.
