– مەملەكەت باسشىسى قاسىم-جومارت كەمەلۇلى بٸلٸم ساپاسىن كٶتەرۋ مەملەكەتتٸڭ باسىم ماقساتى ەكەنٸن اتتاپ ٶتتٸ. سونداي-اق بالالاردى وقىتۋ ٷشٸن قولايلى جاعدايلار جاساۋ جەنە ورتا قۇرۋ مٸندەتٸن قويدى. تٷركٸستان ٶڭٸرٸندە دەموگرافييالىق ٶسٸم جوعارى. وسىعان بايلانىستى وقۋشى 35 مىڭ ورىنعا تاپشىلىق بار. اتالعان مەسەلەنٸ شەشۋ ٷشٸن 4 باعىتتا جۇمىستار جٷرگٸزٸلٸپ جاتىر. اتاپ ايتقاندا بيۋدجەت ەسەبٸنەن جوبالىق قۋاتى 8250 ورىن 34 مەكتەپتٸڭ قۇرىلىسى جٷرگٸزٸلۋدە. بيىل 20 مەكتەپتٸ تاپسىرۋ جوسپارلانعان. بٷگٸنگٸ تاڭعا 6 مەكتەپ پايدالانۋعا بەرٸلدٸ.
پرەزيدەنت باستاماسىمەن قۇرىلعان «بٸلٸم ينفراقۇرىلىمىن قولداۋ قورى» ارقىلى قۇنى 9,4 ملرد. تەڭگە بولاتىن, جوبالىق قۋاتى 6 650 ورىندىق 9 مەكتەپتٸڭ قۇرىلىسى باستالدى. ال «جايلى مەكتەپ» جوباسى شەڭبەرٸندە 3 جىلدا 63 مەكتەپ سالىنادى. جوبالىق قۋاتى – 49 مىڭ ورىن. بيىل 29 مەكتەپتٸڭ قۇرىلىسى باستالىپ, كەلەسٸ جىلى اياقتالادى. قالعان 34 مەكتەپتٸ 2025 جىلى تاپسىرۋ جوسپارلانۋدا. سونىمەن قاتار جەكە ينۆەستيتسييا ەسەبٸنەن جوبالىق قۋاتى 5000 ورىن بولاتىن 17 مەكتەپ سالىندى, – دەدٸ دارحان ساتىبالدى.
«جايلى مەكتەپ» جوباسى بويىنشا قۇرىلىسى بيىل باستالاتىن 29 مەكتەپتٸڭ قۇرىلىس-مونتاجداۋ جۇمىستارىن جٷرگٸزەتٸن مەردٸگەر مەكەمەلەرٸ انىقتالىپ, تيٸستٸ جۇمىستارى جٷرگٸزٸلۋدە. ولارعا قاجەتتٸ ينجەنەرلٸك ينفراقۇرىلىممەن قامتاماسىز ەتۋ جوسپارى بەكٸتٸلدٸ. وسى مەكتەپتەردە جۇمىس ٸستەيتٸن مۇعالٸمدەردٸڭ قۇرامى جەنە ولاردىڭ بٸلٸكتٸلٸك تالاپتارىن ارتتىرۋ ماقساتىندا وبلىس اۋماعىندا شەتەلدٸك وزىق پەداگوگيكالىق تەجٸريبەلەرمەن تانىسۋ جەنە ولاردى ەندٸرۋ جۇمىستارى قارقىندى جٷرگٸزٸلۋدە.
[caption id="attachment_95732" align="aligncenter" width="800"]
اتالعان باعىتتا ٶڭٸردٸڭ 15 پەداگوگى جاپونييا مەملەكەتٸنٸڭ بٸلٸم بەرۋ سالاسىنداعى ساياسي زەرتتەۋلەر ۇلتتىق ينستيتۋتىنىڭ قولداۋىمەن «مۇعالٸم تەجٸريبەسٸندەگٸ ساباقتى زەرتتەۋ (Lesson Study)» شەتەلدٸك سەمينارىنا قاتىسىپ كەلدٸ. الداعى 1,5 جىل ٸشٸندە وبلىستىڭ 100 مۇعالٸمٸ شەتەلدە تەجٸريبە جيناۋ سەمينارلارىنا قاتىسادى دەپ كٷتٸلۋدە.
ٶڭٸر باسشىسى مەكتەپتەردٸ كٷردەلٸ جٶندەۋ مەسەلەسٸنە دە توقتالدى. قازٸرگٸ تاڭدا وبلىستا 121 مەكتەپ بويىنشا تالداۋ جٷرگٸزٸلۋدە. بۇل مەكتەپتەر 1939-2011 جىلدار ارالىعىندا پايدالانۋعا بەرٸلگەن. ونىڭ 51-ٸنە 302 ملن. تەڭگە بٶلٸنٸپ, جوبالىق-سمەتالىق قۇجاتتارى ەزٸرلەنگەن.
وسى مەكتەپتەردٸ كٷردەلٸ جٶندەۋگە وبلىستىق بيۋدجەت جەنە «اۋىل – ەل بەسٸگٸ» باعدارلاماسى ارقىلى كەزەڭ-كەزەڭٸمەن 2024-2025 جىلدار ارالىعىندا 38,9 ملرد. تەڭگە قارجى قاراستىرىلۋدا. ال قالعان 70 مەكتەپتٸڭ جوبالىق-سمەتالىق قۇجاتتارىن ەزٸرلەۋگە 2024-2025 جىلداردىڭ بيۋدجەتٸنە كەرەكتٸ قاراجات ەنگٸزۋ جوسپارلانىپ وتىر.
