مەملەكەت باسشىسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى «قازاقستاننىڭ كيەلى جەرلەرى»، «قازىرگى زامانعى قازاقستاندىق مادەنيەت جاھاندىق الەمدە» باعدارلامالارىنا ايرىقشا سەرىپىن بەرگەنى انىق. اسىرەسە، «قاسيەتتى قازاقستان» جوباسى تۇركىستان وبلىسىندا تابىستى جۇزەگە استى. وبلىستا بۇل جوبانى ءساتتى جۇزەگە اسۋىنا تۇركىستان وبلىسىنىڭ تاريحي-مادەني ەسكەرتكەشتەرگە باي بولۋى دا اسەر ەتكەنى انىق.



«قاسيەتتى قازاقستان» رەسپۋبليكالىق ورتالىعىنا تۇركىستان وبلىسىنان 104 نىسان ۇسىنىلعان بولاتىن. ىرىكتەۋ كەزىندە تۇركىستان وبلىسىنان 23 نىسان جوباعا ەنگەن بولاتىن. ال قالعان 81 تاريحي-مادەني ەسكەرتكىشتەر جەرگىلىكتى ماڭىزى بار قاسيەتتى، كيەلى جەرلەردىڭ تىزىمىنە ەنگىزىلگەن.

وبلىس اۋماعىندا قاراتوبە قالاشىعىنا ارحەولوگيالىق زەرتتەۋ جۇمىستارىن جۇرگىزۋ ءۇشىن 31 ملن. 436 مىڭ تەڭگە، قاراتوبە قورىمىنا ارحەولوگيالىق قازبا جۇمىستارىن جۇرگىزۋ ءۇشىن 40 ملن. تەڭگە، وبا پاتشالىق قورىمىنا ارحەولوگيالىق قازبا جۇمىستارىن جۇرگىزۋ ءۇشىن  24 ملن. تەڭگە، قازىعۇرت تاۋىن تاريحي-مادەني ورتالىققا اينالدىرۋ ءۇشىن 1 ملرد. 513 ملن.تەڭگە، ورداباسى تاۋىنا 1 ملرد. 200 ملن. تەڭگە قارجى قاراستىرىلدى.

بۇدان بولەك، سايرام اۋدانىنداعى  «حانقورعان» قالاشىعىنا ارحەولوگيالىق قازبا جۇمىستارىن جۇرگىزۋ ءۇشىن  31 ملن. 436 مىڭ تەڭگە جۇمسالدى.

«رۋحاني جاڭعىرۋ» باعدارلاماسى بويىنشا جەرگىلىكتى بيۋدجەت ەسەبىنەن 38 ملن 500 مىڭ تەڭگەگە، ال كاسىپكەرلەردىڭ ەسەبىنەن 219 ملن 084 مىڭ تەڭگەگە وبلىستاعى ساۋلەت ەسكەرتكىشتەرىنە جوندەۋ جۇمىستارى، اباتتاندىرۋ، كوگالداندىرۋ ينفراقۇرىلىمىن دامىتۋ جۇمىستارى جۇرگىزىلدى.

ەلباسىنىڭ «بولاشاققا باعدار: رۋحاني جاڭعىرۋ» ماقالاسى اياسىندا مادەنيەت سالاسىندا جوسپارلى جۇمىستاردى جۇرگىزۋ ءالى دە جالعاسۋدا.

قالا، اۋدان اكىمدىكتەرى تاريحي-مادەني مۇرا نىساندارىن انىقتاۋدى، ەسەپكە الۋدى، قورعاۋدى، پايدالانۋدى جانە تاريح جانە مادەنيەت ەسكەرتكىشتەرىندە عىلىمي-رەستاۆراسيالاۋ جۇمىستارىن جۇرگىزۋدە تىنىمسىز ەڭبەك ەتىپ جاتىر

 

 

تۇركىستان وبلىسى اكىمىنىڭ باسپا ءسوز قىزمەتى