«Qasıetti Qazaqstan» respýblıkalyq ortalyǵyna Túrkistan oblysynan 104 nysan usynylǵan bolatyn. İrikteý kezinde Túrkistan oblysynan 23 nysan jobaǵa engen bolatyn. Al qalǵan 81 tarıhı-mádenı eskertkishter jergilikti mańyzy bar qasıetti, kıeli jerlerdiń tizimine engizilgen.
Oblys aýmaǵynda Qaratóbe qalashyǵyna arheologıalyq zertteý jumystaryn júrgizý úshin 31 mln. 436 myń teńge, Qaratóbe qorymyna arheologıalyq qazba jumystaryn júrgizý úshin 40 mln. teńge, Oba patshalyq qorymyna arheologıalyq qazba jumystaryn júrgizý úshin 24 mln. teńge, Qazyǵurt taýyn tarıhı-mádenı ortalyqqa aınaldyrý úshin 1 mlrd. 513 mln.teńge, Ordabasy taýyna 1 mlrd. 200 mln. teńge qarjy qarastyryldy.
Budan bólek, Saıram aýdanyndaǵy «Hanqorǵan» qalashyǵyna arheologıalyq qazba jumystaryn júrgizý úshin 31 mln. 436 myń teńge jumsaldy.
«Rýhanı jańǵyrý» baǵdarlamasy boıynsha jergilikti búdjet esebinen 38 mln 500 myń teńgege, al kásipkerlerdiń esebinen 219 mln 084 myń teńgege oblystaǵy sáýlet eskertkishterine jóndeý jumystary, abattandyrý, kógaldandyrý ınfraqurylymyn damytý jumystary júrgizildi.
Elbasynyń «Bolashaqqa baǵdar: rýhanı jańǵyrý» maqalasy aıasynda mádenıet salasynda josparly jumystardy júrgizý áli de jalǵasýda.
Qala, aýdan ákimdikteri tarıhı-mádenı mura nysandaryn anyqtaýdy, esepke alýdy, qorǵaýdy, paıdalanýdy jáne tarıh jáne mádenıet eskertkishterinde ǵylymı-restavrasıalaý jumystaryn júrgizýde tynymsyz eńbek etip jatyr
Túrkistan oblysy ákiminiń baspasóz qyzmeti
