تٷركٸستان وبلىسىندا سۋ تاسقىنىنان كەلەر قاۋٸپ جوق
ونىڭ سٶزٸنشە, ايماقتاعى سۋ قويمالار مەن ٶزەندەردٸڭ سۋ رەجيمٸنە كٷندەلٸكتٸ تۇراقتى تٷردە مونيتورينگ جٷرگٸزٸلۋدە.
– وبلىس اۋماعىندا تاسقىنعا قارسى ٸس-شارالار 2017 جىلى قازاقستان رەسپۋبليكاسى ٷكٸمەتٸنٸڭ نۇسقاۋىمەن بەكٸتٸلگەن ٶڭٸرلەردەگٸ «سۋ تاسقىنى قاۋپٸنٸڭ الدىن الۋ جەنە جويۋ جٶنٸندەگٸ 2017-2020 جىلدارعا ارنالعان ٸس-شارالار كەشەنٸ» جول كارتاسى نەگٸزٸندە جٷزەگە اسىرىلۋدا. تاسقىنعا قارسى ٸس-شارالار: سىردارييا ٶزەنٸنەن باستاۋ الاتىن كانالداردىڭ باس توسپاسى بەكٸتٸلدٸ. وعان 50 مىڭ قاپ قۇم, 30 توننا ججم, 584-شاتىر, 4622 كەرۋەت, 36 مىڭ ادامعا ارنالعان تٶسەك ورىن دايىندالدى. سونداي-اق, 5,2 جالپى ۇزىندىعى شاقىرىم بولاتىن ٶزەندەردە جاعا بەكٸتۋ جەنە ارنا تٷزەۋ, 14 شاقىرىم قورعانىس دامباسى تۇرعىزىلدى. 24 شاقىرىمنان استام كانالدار مەن 7,2 شاقىرىم درەناجدى جٷيەلەر مەحانيكالىق تازارتۋدان ٶتكٸزٸلدٸ. سىردارييا ٶزەنٸنٸڭ جاعالاۋىنداعى 20 ەلدٸ مەكەندەگٸ قۇلاقتاندىرۋ جٷيەسٸنە 120 ملن.تەڭگە بٶلٸنٸپ, جاڭارتىلدى, – دەپارتامەنت باسشىسى.
جالپى وبلىس بويىنشا سۋ قويمالارىنىڭ ورتاشا تولۋى 55-60%-دى قۇرايدى. تاسقىن سۋلاردى قابىلداۋعا جەتكٸلٸكتٸ قورلارى بار, ال ٶزەندەردەگٸ سۋدىڭ ٶتۋٸ ورتا دەڭگەيدەن تٶمەن.
وبلىس اۋماعىندا سۋ تاسقىنى جاعدايى سىردارييا باسسەيٸندٸك ٶزەنٸمەن تٸكەلەي بايلانىستى بولعاندىقتان قاتاڭ باقىلاۋعا الىنعان. بٷگٸنگٸ تاڭدا ٶزەننٸڭ ارناسىندا سۋدىڭ اعىسى قالىپتى, جاعالاۋداعى ەلدٸ مەكەندەرگە قاۋٸپ جوق. ال, تاۋداعى جينالعان قار قورى نورمادان تٶمەن, اۋماقتىڭ جازىق جەرلەرٸندە قار جوق.
ايتا كەتەيٸك, 2017 جىلى جوسپارلانعان 42 ٸس-شارا تولىق اياقتالعان. بىلتىر جوسپارلانعان 40 ٸس-شارانىڭ 31-ٸ تولىق اياقتالىپ, 9-ى 2019 جىلدىڭ جارتى جىلدىعىنا ورىندالاتىن بولادى. ال, 2019 جىلى ٶتكٸزٸلەتٸن 16 ٸس-شاراعا وبلىستىق بيۋدجەتٸنەن 990 ملن. تەڭگە قارالعان.
تٷركٸستان وبلىسى ەكٸمٸنٸڭ باسپاسٶز قىزمەتٸ
