«زاڭسىز ساقتاۋداعى قارۋ-جاراق قۇرالدارىن ساتىپ الۋ جونىندەگى اكسيا ق ر ىشكى ىستەر ءمينيسترىنىڭ 2015 جىلعى 27 ناۋرىزداعى بۇيرىعىمەن بەكىتىلگەن. ەرىكتى تۇردە تاپسىرىلاتىن اتىس قارۋىنا، وق-دارىلەر مەن جارىلعىش زاتتارعا دارەجەسىنە قاراي اقشالاي سىياقى بەرىلەدى. ياعني، اۆتوماتتى ويىق قارۋعا - 393 200 تەڭگەگە دەيىن، ۇزىن ويىق ۇڭعىلى قارۋعا - 196 600 تەڭگەگە دەيىن، قىسقا ۇڭعىلى ويىق قارۋعا - 157 280 تەڭگەگە دەيىن، تەگىس ۇزىن ۇڭعىلى قارۋعا - 117 960 تەڭگەگە دەيىن بەرىلەدى.

ودان بولەك، تراۆماتيكالىق تاپانشا نەمەسە ريەۆولۆەرگە - 39 320 تەڭگەگە دەيىن، جارىلعىش زات جانە ارتەريالىق سناريادقا - 27 524 تەڭگەگە دەيىن، جارىلعىش زاتتىڭ 1000 گراممىنا - 23 592 تەڭگەگە دەيىن بەرىلەدى. ودان بولەك، 5،6 مم كاليبردەن جوعارى ويىق ۇڭعىلى قارۋدان اتۋعا ارنالعان وقتىڭ داناسىنا - 112 تەڭگەدەن، 5،6 مم كاليبرلى كىشى ويىق ۇڭعىلى قارۋدان اتۋعا ارنالعان وقتارعا داناسىنا - 34 تەڭگەدەن بەرىلەدى. زاڭسىز ساقتالعان اتىس قارۋىن، وق-دارىلەردى جانە جارىلعىش زاتتاردى ەرىكتى تۇردە تاپسىرىلعان ازاماتتار قىلمىستىق جانە اكىمشىلىك جاۋاپكەرشىلىكتەن بوساتىلادى»، - دەدى ابدۋللا امانبايەۆ.