ماۋسىم ايىنان باستاپ قولعا الىنعان شارادا بۇگىنگە دەيىن 500-دەن استام ستۋدەنت ەڭبەك ەتىپ، ايماقتاعى ءتۇرلى نىسانداردىڭ اباتتاندىرىلۋىنا اتسالىسىپ كەلەدى.
ماۋسىمدىق جۇمىسقا تارتىلعان ستۋدەنتتەر مەن جۇمىسسىز جاستاردىڭ ەڭبەك اقىسىنىڭ 50 پايىزى جۇمىس بەرۋشى مەكەمەدەن، قالعان 50 پايىزى رەسپۋبليكالىق بيۋدجەتتەن تولەنىپ كەلەدى.
وتكەن جىلى «جاسىل ەل» ەڭبەك جاساقتارىنا تارتىلعان جاستاردىڭ ارقاسىندا 117 ەلدى مەكەندەگى 6 مىڭ مەترگە جۋىق شارباق سىرلانىپ، 100 مىڭنان استام كوشەت وتىرعىزىلدى. سونىمەن بىرگە، بىلتىر 445،8 مىڭ گا ساياباق پەن اللەيالار، ورتالىق كوشە بويلارى اباتتاندىرىلدى.
ايتا كەتۋ كەرەك، ەلباسىنىڭ باستاماسىمەن قۇرىلعان ەڭبەك جاساعى وبلىسىمىزدا 2009 جىلدان بەرى جۇزەگە اسىرىلىپ كەلەدى. توعىز جىلدىڭ ىشىندە وڭىرىمىزدەگى 13 مىڭنان اسا جاس كوگالداندىرۋ-كورىكتەندىرۋ جۇمىستارىنا جۇمىلدىرىلعان.
تۇركىستان وبلىسى اكىمىنىڭ باسپا ءسوز قىزمەتى
