500 گەكتار اۋماقتا ورنالاساتىن ٶنەركەسٸپتٸك جىلىجايلار جوباسى «ەكو-كۋلتۋرا» كومپانيياسىنىڭ قولداۋىمەن جٷزەگە اسپاق. ونىڭ ٸشٸندە الدىمەن كٶلەمٸ 51 گەكتاردان استام جىلىجاي سالىنادى. جوبا تولىق جٷزەگە اسقاندا 8 مىڭنان استام جەرگٸلٸكتٸ تۇرعىن جۇمىسپەن قامتىلادى دەپ مەجەلەنگەن.
جاڭا جوباعا سالىناتىن ينۆەستيتسييالاردىڭ جالپى كٶلەمٸ – 524 ملرد تەڭگە بولسا, 1-كەزەڭٸنە 51,6 ملرد تەڭگە. تارتىلماق. ونىڭ ٸشٸندە 25 ملرد تەڭگەگە 27 گەكتار جىلىجاي سالۋ جوسپارلانۋدا. قۋاتىلىعى – جىلىنا 225 مىڭ توننا قىزاناق ٶسٸرۋ.
سالتاناتتى جيىنعا تٷركٸستان وبلىسىنىڭ ەكٸمٸ دارحان ساتىبالدى, «قازاقستان دامۋ بانكٸ» اق باسقارما تٶراعاسى نۇرلان بايبازاروۆ, «KazakhInvest» اق-نىڭ باسقارما تٶراعاسى مەيٸرجان يۋسۋپوۆ, «ەكو-كۋلتۋرا» اگرٶنەركەسٸپتٸك حولدينگٸ ديرەكتورلار كەڭەسٸنٸڭ تٶراعاسى الەكساندر رۋداكوۆ قاتىستى. وبلىس ەكٸمٸ بۇل جوبانىڭ اسا ماڭىزدى ەكەنٸن, ٶڭٸردە اگروٶنەركەسٸپ كلاستەرٸ داميتىنىن جەتكٸزدٸ.
– ٶزدەرٸڭٸزگە بەلگٸلٸ, تٷركٸستان – رەسپۋبليكا حالقىن جەمٸس-كٶكٶنٸس ٶنٸمدەرٸمەن, ونىڭ ٸشٸندە جىلىجاي كەشەنٸندەگٸ قىزاناق, قييارمەن قامتاماسىز ەتەتٸن نەگٸزگٸ ٶڭٸر.
وبلىستا 1569 گەكتار القاپتا 3366 بٸرلٸك جىلىجاي بار نەمەسە رەسپۋبليكاداعى جىلىجايلاردىڭ 71 پايىزى ورنالاسقان. وندا 12 مىڭنان استام ادام ەڭبەك ەتەدٸ.
ٶڭٸردەگٸ جىلىجايلاردىڭ 87 گەكتارى – ٶندٸرٸستٸك, ال 1482 گەكتارى فەرمەرلٸك جىلىجايلار. 2015 جىلمەن سالىستىرعاندا وسى سالاعا تارتىلعان ينۆەستيتسييا كٶلەمٸ 7 ەسەگە ۇلعايدى, بىلتىر 74,7 ملرد تەڭگەگە جەتتٸ.
«ەكو-كۋلتۋرا» كومپانيياسىنىڭ ەلٸمٸزگە ينۆەستيتسييا سالۋى بٸز ٷشٸن ٷلكەن مەرتەبە. بۇل جوبانى جان-جاقتى قولداۋعا دايىنبىز. جوبانى ٸسكە قوسۋ, ٶڭٸردە ٸشكٸ نارىقتى وتاندىق ٶنٸمدەرمەن قامتاماسىز ەتۋ كٶلەمٸن ارتتىرۋعا, جاڭا جۇمىس ورىندارىنىڭ اشىلۋىنا جەنە حالىقتىڭ ەل-اۋقاتىن كٶتەرۋگە ٶز سەپتٸگٸن تيگٸزەدٸ, – دەدٸ وبلىس ەكٸمٸ دارحان ساتىبالدى.
رەسەيلٸك «ەكو-كۋلتۋرا» اگرٶنەركەسٸپتٸك حولدينگٸ ديرەكتورلار كەڭەسٸنٸڭ تٶراعاسى الەكساندر رۋداكوۆ تا قۇتتىقتاۋ سٶز سٶيلەپ, جوبانىڭ ماڭىزدىلىعىنا توقتالدى. بۇل ەرٸپتەستٸك اگروسالانى دامىتۋعا سەرپٸن بەرەتٸنٸن اتاپ ٶتتٸ. جەرگٸلٸكتٸ حالىقتى تۇراقتى جۇمىسپەن, جوعارى جالاقىمەن قامتۋعا استالىساتىندارىن مەلٸم ەتتٸ.
كەلەس اۋدانى, بٸرلٸك اۋىلىندا جٷزەگە اساتىن جوبانىڭ بٸرٸنشٸ كەزەڭٸنٸڭ قۇرىلىسى 2024 جىلى تامىز ايىندا اياقتالادى دەپ جوسپارلانعان. ال بٷكٸل جوبا 2027 جىلى جٷزەگە اسىرىلماق. بٸرٸنشٸ كەزەكتەگٸ جۇمىس ورىندارىنىڭ سانى – 1000.
جىلىجاي مەگاكەشەنٸنٸڭ جوباسى سەرٸكتەس «ەكو-كۋلتۋرا» اگروٶنەركەسٸپتٸك حولدينگٸنٸڭ قازاقستاندىق «Green Land Alatau» كومپانيياسىنىڭ كٶمەگٸ ارقىلى جٷزەگە اسىرىلماق. زاماناۋي جىلىجاي كەشەندەرٸ جىلىتۋ جٷيەسٸ مەن سالقىنداتۋدى, جارىق رەجيمٸن, تامشىلاتىپ سۋارۋدى, اتموسفەراداعى كٶمٸرقىشقىل گازىنىڭ مٶلشەرٸن باسقاراتىن زاماناۋي اۆتوماتتاندىرىلعان كليماتتىق باقىلاۋ جٷيەسٸمەن جابدىقتالادى دەپ جوسپارلانعان.
