كەنتاۋ قالالىق ەمحاناسىندا اشىلعان «دامۋ جانە ەرتە ارالاسۋ ورتالىعىنىڭ» قىزمەتى بالالاردىڭ ءومىرىنىڭ ەڭ ەرتە كەزەڭدەرىندەگى دامۋ اۋىتقۋلارىن انىقتاۋعا جانە جان-جاقتى كومەك كورسەتۋگە باعىتتالعان. بۇل بالالىق شاقتاعى مۇگەدەكتىك دەڭگەيىن تومەندەتىپ قانا قويماي، بالالار مەن ولاردىڭ وتباسىلارىنىڭ ءومىر ءسۇرۋ ساپاسىن ايتارلىقتاي جاقسارتۋعا مۇمكىندىك بەرەدى.

 

 

ورتالىقتا جاڭا تۋعان نارەستەلەر مەن ەرتە جاستاعى بالالارعا سكرينينگتەر جۇرگىزۋ، اۋتيزمگە تۇرلەندىرىلگەن سكرينينگتىك تەست، تۇرمىستىق زورلىق-زومبىلىق پەن بالاعا قاتىگەزدىكتىڭ الدىن الۋ، پاتروناجدىق باقىلاۋدىڭ تيىمدىلىگىن ۇيىمداستىرۋ، بالالار مەن ولاردىڭ وتباسىلارىنا قاجەتتىلىكتى انىقتاۋ جانە ۆەدومستۆوارالىق كومەكتى ۇيىمداستىرۋ، بەس جاسقا دەيىنگى بالالاردىڭ زاڭدى وكىلدەرىنە كۇتىم ماسەلەلەرى بويىنشا كەڭەس بەرۋ، بالالاردىڭ دۇرىس تاماقتانۋىن ۇيىمداستىرۋ سياقتى كوپتەگەن كومەك كورسەتىلەتىن بولادى.

 

ورتالىقتىڭ قۇرامىنا ايماقتىق دارىگەر، پەدياتر، نيەۆروپاتولوگ، پسيحولوگ، الەۋمەتتىك قىزمەتكەر، پاتروناجدىق مەيىرگەرلەر جانە بەيىندى ماماندار تارتىلعان.