تٷركٸستان وبلىسىندا بۇرىنعى ەيەلٸن كەپٸلگە العان ەر ادام سوتتالدى

تٷركٸستان وبلىسىندا بۇرىنعى ەيەلٸن كەپٸلگە العان ەر ادام سوتتالدى, – دەپ حابارلايدى Dalanews.kz.

بىلتىر سايرام اۋدانىنىڭ تۇرعىنى بۇرىنعى ەيەلٸنٸڭ ٷيٸنە باسا كٶكتەپ كٸرٸپ, بالالارىن كٶرسەتپەي جٷرگەنٸ ٷشٸن موينىنا پىشاق تاقاپ, ٶلتٸرەمٸن دەپ قورقىتقان.  

"ەر ادام بۇعان دەيٸن سوتتى بولعان, لۋدومانييامەن اۋىرعانىنا بايلانىستى اجىراسقان. كٷدٸكتٸ جەبٸرلەنۋشٸنٸڭ تۋىستارى مەن قۇقىق قورعاۋ قىزمەتكەرلەرٸنٸڭ ەسكەرتۋلەرٸن تىڭداماي, ونى پىشاقپەن قورقىتىپ اۋلادا تۇرعان اۆتوكٶلٸكتٸ ٶزٸنە باسقارتىپ, ول جەردەن بوي تاسالاعان", - دەپ جازىلعان حابارلامادا.

سول كٷنٸ ارنايى ٸس-شارا جٷرگٸزۋ بارىسىندا كٷدٸكتٸ شىمكەنت قالاسىندا ۇستالىپ, جەبٸرلەنۋشٸ كەپٸلدەن بوساتىلعان.

سوت بارىسىندا مەملەكەتتٸك ايىپتاۋشى سوتتالۋشىعا باس بوستاندىعىنان ايىرۋ جازاسىن تاعايىنداۋدى سۇراعان.  

سوت الدىڭعى ٷكٸم بويىنشا ٶتەلمەگەن 3 جىل 6 اي باس بوستاندىعىن شەكتەۋ جازاسىن ٸشٸنارا قوسىپ, تٷپكٸلٸكتٸ 9 جىل مەرزٸمگە باس بوستاندىعىنان ايىرۋ جازاسىن تاعايىندادى.  

سوت ٷكٸمٸ زاڭدى كٷشٸنە ەنگەن.