Túrkistan oblysynda burynǵy áielin kepilge alǵan er adam sottaldy, – dep habarlaidy Dalanews.kz.
Byltyr Sairam aýdanynyń turǵyny burynǵy áieliniń úiine basa kóktep kirip, balalaryn kórsetpei júrgeni úshin moinyna pyshaq taqap, óltiremin dep qorqytqan.
"Er adam buǵan deiin sotty bolǵan, lýdomaniiamen aýyrǵanyna bailanysty ajyrasqan. Kúdikti jábirlenýshiniń týystary men quqyq qorǵaý qyzmetkerleriniń eskertýlerin tyńdamai, ony pyshaqpen qorqytyp aýlada turǵan avtokólikti ózine basqartyp, ol jerden boi tasalaǵan", - dep jazylǵan habarlamada.
Sol kúni arnaiy is-shara júrgizý barysynda kúdikti Shymkent qalasynda ustalyp, jábirlenýshi kepilden bosatylǵan.
Sot barysynda memlekettik aiyptaýshy sottalýshyǵa bas bostandyǵynan aiyrý jazasyn taǵaiyndaýdy suraǵan.
Sot aldyńǵy úkim boiynsha ótelmegen 3 jyl 6 ai bas bostandyǵyn shekteý jazasyn ishinara qosyp, túpkilikti 9 jyl merzimge bas bostandyǵynan aiyrý jazasyn taǵaiyndady.
Sot úkimi zańdy kúshine engen.
