تٷركٸستان وبلىسىندا بايدٸبەك اۋداندىق بٸلٸم بٶلٸمٸنٸڭ لاۋازىمدى تۇلعالارىنا قاتىستى بيۋدجەت قاراجاتىن جٷيەلٸ تٷردە جىمقىرۋ فاكتٸسٸ بويىنشا سوت ٷكٸمٸ شىقتى, دەپ حابارلايدى Dalanews.kz.
تەرگەۋدٸ قما تٷركٸستان وبلىسى بويىنشا دەپارتامەنتٸ جٷرگٸزدٸ.
باسشىلار, بۋحگالتەرلەر جەنە ەكونوميستەردٸ قوسا العاندا 18 لاۋازىمدى تۇلعا جالاقى مەن ٶزگە دە تٶلەمدەرگە ارنالعان بيۋدجەتتٸك ٶتٸنٸمدەردٸ نەگٸزسٸز ۇلعايتۋ ارقىلى اۋداننىڭ 49 جالپى بٸلٸم بەرەتٸن مەكتەپ قاراجاتىن يەمدەنۋ سحەماسىن ۇيىمداستىرعان.
بۋحگالتەرييا قىزمەتكەرلەرٸ ەلەكتروندىق جٷيەلەرگە ەدەيٸ جالعان مەلٸمەتتەر ەنگٸزٸپ وتىرعان. تٶلەم ۆەدوموستارى مەن ەسەپ پاراقتارىنا ٸس جٷزٸندە جۇمىس ٸستەمەگەن ادامدار ەنگٸزٸلگەن نەمەسە جالاقى مەن ٷستەمەاقىلاردىڭ كٶلەمٸ نەگٸزسٸز ٶسٸرٸلگەن.
وپەراتسييالارعا زاڭدى سيپات بەرۋ ٷشٸن قىزمەتتٸك جازبالار, بۇيرىقتار, ەسەپ ۆەدوموستارى مەن جۇمىس ۋاقىتى تابەلدەرٸ سيياقتى جالعان قۇجاتتار پايدالانىلعان. قۇجاتتاردىڭ بٸر بٶلٸگٸ تٶلەمدەر جٷرگٸزٸلگەننەن كەيٸن كەرٸ كٷنمەن رەسٸمدەلٸپ نەمەسە ەسەپتٸلٸكتٸ سەيكەستەندٸرۋ ماقساتىندا تٷزەتٸلگەن.
قاراجات جالعان تۇلعالاردىڭ, ونىڭ ٸشٸندە تۋىستارى مەن تانىستارىنىڭ بانكتٸك شوتتارىنا اۋدارىلىپ, كەيٸن الدىن الا كەلٸسٸلگەن ٷلەستەر بويىنشا قاتىسۋشىلار اراسىندا بٶلٸنگەن.
نەتيجەسٸندە مەملەكەتكە كەلتٸرٸلگەن زالال 583 ملن تەڭگەدەن استى.
تەرگەۋ بارىسىندا كٷدٸكتٸلەر كەلتٸرٸلگەن شىعىندى تولىق ٶتەدٸ.
سوت 14 ادامدى 3 جىلدان 7 جىلعا دەيٸن باس بوستاندىعىنان ايىرۋ جازاسىنا كەستٸ. تاعى 4 ادامعا قاتىستى ٸس راقىمشىلىققا بايلانىستى توقتاتىلدى. ٷكٸم زاڭدى كٷشٸنە ەندٸ.
