سارىاعاش اۋدانىنداعى قاپلانبەك اۋىل وكرۋگٸنە قاراستى قاناعات اۋىلىنداعى №7 تٶلە بي اتىنداعى جالپى بٸلٸم بەرەتٸن مەكتەپتٸڭ 11-سىنىپ وقۋشىسى اقجٷنٸس اتاحان ەلەمنٸڭ بەدەلدٸ 36 ۋنيۆەرسيتەتٸنەن شاقىرتۋ الدى, دەپ حابارلايدى Dalanews.kz
حالىقارالىق قاتىناستار ماماندىعىن تاڭداعان جاس تٷلەك دٷنيەجٷزٸندەگٸ وزىق ۋنيۆەرسيتەتتەردە بٸلٸم الىپ, ٶز سالاسىن جەتٸك مەڭگەرگەن مايتالمان مامان بولۋدى ارماندايدى. ەلەم نازارىن اۋدارتقان تالاپتى وقۋشىنىڭ ۇبت-داعى باعالارى دا كٶز قۋانتارلىق. بٸلٸم سىناعىنىڭ سوڭعى نەتيجەسٸ بويىنشا 111 ۇپاي جيناعان.
اۋىل مەكتەبٸندە وقيتىن اقجٷنٸس اسىلحانقىزى شەتەلدە وقىپ, جاڭا ورتادا ٶزگەنٸڭ مەدەنيەتٸن تانىسام, بٸلٸم كٶكجيەگٸمدٸ كەڭەيتسەم دەگەن نيەتپەن ٷزدٸكسٸز ٸزدەنگەن. نەتيجەسٸندە ول دۋباي, تٷركييا, مالايزييا, كانادا, اقش سىندى دامىعان ەلدەردەگٸ ۋنيۆەرسيتەتتەرگە قۇجاتىن جٸبەرٸپ, 36-سىنان شاقىرتۋ العان. 16 جاستاعى وقۋشى امەريكانىڭ - 17, باە - 5, تٷركييانىڭ - 6, مالايزييانىڭ - 5 ۋنيۆەرسيتەتٸنٸڭ گرانتىن ۇتىپ الىپ, كانادانىڭ 1 ۋنيۆەرسيتەتٸنە پرەزيدەنتتٸك ستيپەندييامەن وقۋعا شاقىرتىلىپ وتىر.
مەكتەپ تابالدىرىعىن اتتاعان سەتتەن باستاپ ٷزدٸكتەر تاقتاسىنان تٷسپەگەن اقجٷنٸس اتاحان وقۋدا وزات, ٸزدەنٸمپاز وقۋشىلاردىڭ قاتارىنان كٶرٸنٸپ كەلەدٸ. اقجٷنٸستٸڭ جەتٸستٸگٸ - ٶڭٸردەگٸ ٶزگە وقۋشىلاردى قاناتتاندىردى. ٶيتكەنٸ ول اتالمىش بٸلٸم ورداسىنان شەتەلدٸك وقۋ ورىندارىنان شاقىرتۋ العان العاشقى شەكٸرت.
